Thulaganyo ya Pokano ya Tirelo

Beke e e Simololang ka October 14

Pina 103

10 mets: Dikitsiso tsa phuthego ya lona. Dikitsiso tse di tlhophilweng go tswa go Tirelo ya Rona ya Bogosi. Kgothaletsa botlhe gore ba lebe bidio ya Our Whole Association of Brothers go baakanyetsa motlotlo o o tlileng go tshwara mo Pokanong ya Tirelo ya beke ya October 28. Kwa mafelong a selegae, bagolwane ba tshwanetse go leka go dira gore malapa a a senang motšhine wa bidio a bone bidio eno. O dirisa dikakantsho tse di mo go tsebe 12, dira dipontsho tse pedi tse di farologaneng tse di bontshang ka fa re ka buelelang ka gone Tora ya Tebelo ya October 15, le Tsogang! ya November 8. Mo go nngwe le nngwe ya tsone, bontsha tsela e e farologaneng e re ka arabang ka yone motho yo o sa batleng re bua le ene ka go re raya a re, “Ke setse ke tlwaelane le tiro ya lona.”—Bona buka ya Go Fetolana, tsebe 20.

20 mets: “A Wena o Tla Bo o Le Teng?” Puo e e neelwang ke mogolwane le maitemogelo. Dikokoano tse dikgolo di ne di le botlhokwa thata go nonotsha batho ba Modimo go tloga mo motlheng wa go kwalwa ga Baebele go fitlha mo motlheng wa rona. (Bona buka ya Baboledi, tsebe 254, dirapa 1-3, le Insight, Bolumo 1, tsebe 821, serapa 5.) Kgothaletsa botlhe gore ba simolole go dira dithulaganyo tsa go nna gone malatsi otlhe a le mararo mo kopanong ya kgaolo ya ngwaga ono. Kopa bareetsi gore ba bolele maitemogelo a a bontshang gore go iteka ka natla go nna gone le go intsha setlhabelo mo nakong e e fetileng go ne ga duelwa jang semoyeng.

15 mets: “Go Kgothatsana ka Tsela e e Kgethegileng.” Puo. Dira gore bareetsi ba anaanele go nna gone kwa kopanong ya kgaolo. Kgothaletsa botlhe gore ba nne gone mo thulaganyong yotlhe, go tloga Labotlhano mosong go fitlha Sontaga thapama.

Pina 65 le thapelo e e konelang.

Beke e e Simololang ka October 21

Pina 206

10 mets: Dikitsiso tsa phuthego ya lona. Pego ya diakhaonto.

20 mets: “Kafa Balebedi ba Thuto ya Buka ya Phuthego ba Bontshang go Kgatlhegela ba Bangwe.” Motlotlo wa dipotso le dikarabo o o neelwang ke molebedi wa Thuto ya Buka ya Phuthego. Mo dikakgelong tse di simololang, tlhalosa ka bokhutshwane kafa thulaganyo ya thuto ya buka e simolotseng ka gone. (jv-TN 238 ser. 1) Rulaganya go sa le gale gore go nne le baboledi ba le babedi kgotsa ba le bararo ba ba tla akgelang kafa ba solegetsweng molemo ka gone fa ba ne ba bontshiwa go kgatlhegelwa kwa Thutong ya Buka ya Phuthego.

15 mets: “Ka Metlha Lwelang go Direlana se se Molemo.”a Gatelela botlhokwa jwa go utlwa dithulaganyo tse di malebana le marobalo tse di diretsweng gore di re solegele molemo. Gatelela dikgakololo di le tharo tse di mo go serapa 2. Tlhalosa lebaka la go bo go le botlhokwa gore mongwe le mongwe a itshole sentle.

Pina 194 le thapelo e e konelang.

Beke e e Simololang ka October 28

Pina 110

8 mets: Dikitsiso tsa phuthego ya lona. Kgothaletsa botlhe go boeletsa dintlha tse ba di kwadileng tsa thulaganyo ya kopano e e kgethegileng ya letsatsi le le lengwe e e fetileng, gore ba ipaakanyetse motlotlo o o tla tshwarwang mo Pokanong e e latelang ya Tirelo. Gakolola baboledi gore ba tlise dipego tsa tirelo ya tshimo tsa October. O dirisa dikakantsho tse di mo go tsebe 12, kopa kgaitsadi go dira pontsho ya ka fa go ka tsamaisiwang makasine wa Tora ya Tebelo ya November 1, mme o kope mokaulengwe go bontsha ka fa go ka tsamaisiwang Tsogang! ya November 8. Morago ga pontsho nngwe le nngwe, tlhalosa ka bokhutshwane dintlha tsa botlhokwa tse di ka dirisiwang go tswa mo dipontshong tseo.

12 mets: “Go Kgotsofatsa Se re Se Tlhokang Semoyeng.” Puo le motlotlo le bareetsi. Tlotla ka mabaka a go bo botlhe ba tshwanetse go reetsa ka kelotlhoko thulaganyo ya kopano. Gatelela lebaka la go bo re tshwanetse go dirisa se re se ithutang e seng go se utlwa fela.

25 mets: “Lebaka La go Bo re Rata Bakaulengwe ba Rona Botlhe.” Tlotla le bareetsi ka tlhamalalo ka bidio ya Whole Association, o dirisa dipotso tse di bontshitsweng.

Pina 41 le thapelo e e konelang.

Beke e e Simololang ka November 4

Pina 66

10 mets: Dikitsiso tsa phuthego ya lona. Tlotla ka setlhogo se se reng, “Go Anaanela go Agiwa ga Diholo Tsa Bogosi.”

13 mets: “Go Apara le go Ipaakanya ka Tsela e e Tshwanetseng.”b E neelwe ke mogolwane, mme a bale dirapa tse di rileng fa a sena go tlotla ka tsone. Thusa botlhe gore ba lemoge lebaka la go bo go le botlhokwa gore ba nne kelotlhoko ka tsela e ba lebegang ka yone mo mafelong a botlhe.

22 mets: “Ipeyeng mo Taolong ya Modimo—Ganetsang Diabolo.” (Jak. 4:7) Mogolwane o tlotla ka matlhagatlhaga le bareetsi ka thulaganyo ya kopano e e kgethegileng ya letsatsi le le lengwe e e neng e tshwerwe mo ngwageng o o fetileng wa tirelo a dirisa dipotso tse di leng fano. Kopa baboledi gore ba bolele ka fa ba ileng ba kgona go dirisa se ba se ithutileng. (O ka abela baboledi bangwe dikarolo tse di rileng go sa le gale.) Gatelela dipuo tse di latelang tsa thulaganyo: (1) “Go Ipaya mo Taolong ya Modimo mo Lefatsheng Le le Mo Bokgobeng.” Ke ka ntlha yang fa re tshwanetse go nna re thantse gore re tile dirai tsa lefatshe leno? (2) “Go Bontsha go Ipaya mo Taolong ya Modimo Jaaka Maloko a Lelapa.” Ke ka ntlha yang fa go potlakile thata mo phuthegong ya ga Jehofa gore malapa a nonotshe kamano ya one? Mme a ka dira seo jang? (3) “Thusa Barutwa ba Basha Gore ba Nitame mo Letlhakoreng la ga Jehofa.” Re ka thusa jang ba basha gore ba fenye dikgoreletsi tse di ka lekang tumelo ya bone? (4) “Se go Ganetsa Diabolo go se Bolelang.” Ke eng se se ka re thusang go ema ka katlego kgatlhanong le Diabolo? Diaparo tsa tlhabano tsa semoya tse di tlhalositsweng mo go Baefeso 6:11-18 di ka re sireletsa jang? (w92-TN 5/15 21-3) (5) “Basha ba ba Atlegang go Gana yo o Boikepo” le “Basha ba ba Solegelwang Molemo ke go Ipaya mo Taolong ya Modimo.” Ke dirai dife tsa ga Satane tse basha ba tshwanetseng go di ela tlhoko? Basha ba segofadiwa jang fa ba ipaya mo taolong ya ga Jehofa? (w90-TN 8/1 13-14, dir. 15-17) (6) “Go Solegelwa Molemo ke go Ipaya mo Taolong ya Modimo.” Tlhalosa ka fa Bakeresete ba bontshang go ikoba mo balaoding ba puso, mo bathaping, mo lelapeng le mo phuthegong ya Bokeresete. Ke dinonofo dife tse di tla re thusang go dira jalo?

Pina 185 le thapelo e e konelang.

[Dintlha tse di kwa tlase]