Thulaganyo ya Pokano ya Tirelo

Beke e e Simololang ka March 10

Pina 5

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. O dirisa dikakantsho tse di mo go tsebe 8, bontsha kafa go ka tsamaisiwang Tora ya Tebelo ya March 15 le Tsogang! ya April 8 ka gone. Mo pontshong nngwe le nngwe, go tshwanetse ga tsamaisiwa dimakasine ka bobedi, le fa gone go buelelwa e le nngwe fela.

15 mets: Kafa o ka Ntshang Mabaka ka Gone ka Dikwalo. Motlotlo le bareetsi. Re ka dira jang gore re nne le bokgoni jwa go ntshetsa batho mabaka ka katlego mo bodireding? (1) Nna le kitso e e utlwalang ya Dikwalo ka go ithuta ka metlha le go nna gone mo dipokanong. (2) Tlhatlhanya ka se o se ithutang, o sekaseka boammaaruri go tswa kafa matlhakoreng otlhe. (3) O se ka wa batla fela ditlhaloso tsa ditemana, mme gape batla le mabaka a Dikwalo a go bo di tlhalosiwa ka tsela e di tlhalosiwang ka yone. (4) Akanyetsa gore o ne o ka tlhalosa jang ditemana mo bathong ba ba farologaneng. (5) Akanyetsa gore o ka dirisa setshwantsho sefe go tlhalosa dintlha dingwe.

20 mets: “Tlhoafalela se se Molemo!”a (Dirapa 1-12) Fa o sena go tlotla ka serapa 6, dira pontsho e khutshwane ya mmoledi a laletsa wa losika, moagelani, ngwana yo a tsenang sekolo le ene, kgotsa yo a dirang le ene go tla kwa Segopotsong, a dirisa pampitshana ya taletso. Dipampitshana tsa taletso tsa Segopotso di tshwanetse go ntshiwa morago ga pokano eno, fa e le gore ga di ise di ntshiwe.

Pina 19 le thapelo e e konelang.

Beke e e Simololang ka March 17

Pina 34

10 mets: Dikitsiso tsa phuthego. Pego ya diakhaonto. Dikgang Tsa Puso ya Modimo.

15 mets: Tlhopha Ditsala Tsa Gago ka Botlhale. Puo ka mogolwane e e theilweng mo makasineng wa Tsogang! wa March 8, 1997, tsebe 24, le mo dintlheng tse di mo tlase ga setlhogo se se reng “Ditsala Tse di Bosula” mo tsebeng ya 101 ya buka ya Go Fetolana. Bontsha kafa melaometheo eno e dirang ka teng mo basheng le mo bagolong. Bontsha melemo ya go tlhopha ditsala mo bathong ba ba ratang Jehofa e bile ba bontsha gore ba leka go tshela ka melao ya gagwe.

20 mets: “Tlhoafalela se se Molemo!”b (Dirapa 13-26) E tshwarwe ke molebedi yo o okamelang. Fa o sekaseka serapa 14, dira pontsho e khutshwane ya mogolwane a etetse mokaulengwe yo o bokoa mo mmeleng go mo kgothatsa, mme mo loetong lono o tlhalosetsa mokaulengwe yono ka bonolo gore a ka nna jang le seabe le phuthego fa e oketsa tiro ya yone mo pakeng eno ya Segopotso.

Pina 53 le thapelo e e konelang.

Beke e e Simololang ka March 24

Pina 72

10 mets: Dikitsiso tsa phuthego. O dirisa dikakantsho tse di mo go tsebe 8, dira dipontsho tsa kafa go ka tsamaisiwang Tora ya Tebelo ya April 1 le Tsogang! ya April 8 ka gone.

15 mets: Dilo tse phuthego ya lona e tlhokang go di ela tlhoko.

20 mets: Basupi ba ga Jehofa—Batho ba ba Nang le Tlhotlheletso e e Molemo mo Setšhabeng. Puo le motlotlo le bareetsi. Ka dinako dingwe re nna le sebaka sa go bontsha kafa bodiredi jwa rona le sekao sa rona di solegelang setšhaba molemo ka gone. Kopa bareetsi gore ba akgele ka dintlha tse di latelang: (1) Re ruta batho go tshela ka melao ya Baebele ya boitshwaro. (2) Re ba ruta go ikanyega le go tlotla bolaodi. (3) Re ruta gore go tshwanetse ga nna le kutlwano mo gare ga batho ba ditso tse di farologaneng, ba ditšhaba tse di farologaneng le ba mefuta e e farologaneng. (4) Re thusa ba bangwe gore ba tokafatse botshelo jwa malapa a bone ka go ba kgothaletsa gore ba dirise melaometheo ya Baebele. (5) Re rutile batho ba le diketekete go bala le go kwala. (6) Re leka go thusa ba bangwe fa ba wetswe ke kotsi ya masetlapelo. (7) Re thusitse thata mo go sireletseng kgololesego ya bodumedi e botlhe ba nang le yone gone jaanong.—Bona buka ya Baboledi, tsebe 699.

Pina 121 le thapelo e e konelang.

Beke e e Simololang ka March 31

Pina 130

12 mets: Dikitsiso tsa phuthego. Itsise ka dithulaganyo tsa Letsatsi le le kgethegileng la Dimakasine ka Matlhatso, April 5. Gakolola botlhe gore ba neye balebedi ba bone ba thuto ya buka dipego tsa tirelo ya tshimo ya March. Umaka buka e e tsamaisiwang ka April, bogolo jang o tlhalose gore go tshwanetse ga dirwa boiteko jo bo kgethegileng go simolola dithuto tsa Baebele ka buka ya Obamela Modimo mo bathong ba ba setseng ba badile buka ya Kitso le boroutšhara jwa Re Direng. Tlotla ka dintlha tsa konokono tsa “Dikgakololo Tsa Segopotso.”

13 mets: Maitemogelo a lefelo la lona. Kopa phuthego go bolela maitemogelo a ba nnileng le one fa ba ne ba okeditse tiro ya bone ka March. Ba akgolele maiteko a bone, mme o kgothatse botlhe gore ba nne le seabe ka botlalo go ya kafa maemo a bone a ba letlang ka gone ka April.

20 mets: “Jehofa o Tshwanelwa Thata ke go Bakwa.”c Gatelela botlhokwa jwa Segopotso. Bontsha kafa botlhe ba ka thusang ka teng go dira gore ba bangwe ba nne gone. Tlhalosa gore go ka dirwang go ikgolaganya le batho ba ba tsidifetseng go tsosolosa kgatlhego ya bone. Kopa bareetsi gore ba tlhalose maitemogelo le fa e le afe a a kgothatsang a ba nnileng le one ka Segopotso sa ngogola.

Pina 173 le thapelo e e konelang.

Beke e e Simololang ka April 7

Pina 191

10 mets: Dikitsiso tsa phuthego.

15 mets: Go Solegelwa Molemo ke 2003 Yearbook. Puo le motlotlo le bareetsi. Tlotla ka dintlhakgolo tsa “Lekwalo la Setlhopha se se Laolang,” mo ditsebeng 3-5. Rulaganya go sa le gale gore go nne le ba le mmalwa ba ba tla tlotlang ka dipego le maitemogelo a ba a fitlhetseng a kgothatsa thata e bile a nonotsha tumelo. Umaka dintlhakgolo tse di mo pegong ya lefatshe ka bophara. Kgothaletsa malapa gore a bale buka eno yotlhe mo tsamaong ya ngwaga ono. Akantsha ditsela tse re ka dirisang buka eno ka tsone go kaela ba basha mo phuthegong ya ga Jehofa le go ba kgothaletsa go tla dipokanong. (Diphuthego tse di iseng di amogele 2003 Yearbook di ka dirisa nako eno go tlotla ka dilo tse phuthego e tlhokang go di ela tlhoko.)

20 mets: “Kafa Boammaaruri bo re Gololang ka Gone.”d Akaretsa dikakgelo tse di mo lebokosong le le mo go tsebe 6 ya Tora ya Tebelo ya October 1, 1998. Kopa bareetsi go akgela kafa boammaaruri jo bo mo Lefokong la Modimo bo ba golotseng ka gone.

Pina 217 le thapelo e e konelang.

[Dintlha tse di kwa tlase]