Dikitsiso

◼ Dikgatiso tse di tsamaisiwang ka March: Tsamaisa buka ya Kitso, o leka go simolola dithuto tsa magae tsa Baebele. April le May: Tsamaisa dimakasine tsa Tora ya Tebelo le Tsogang! Baboledi ba tshwanetse go bolelela mong wa ntlo gore a ka nna a ntsha moneelo go tshegetsa tiro ya lefatshe ka bophara fa a rata go dira jalo. Fa o dira maeto a go boela mo bathong ba ba bontshitseng kgatlhego, tlhoma mogopolo mo go tsamaiseng buka ya Obamela Modimo yo o Esi wa Boammaaruri. Leka ka natla go simolola thuto ya legae ya Baebele, segologolo fa e le gore batho bangwe ba o boelang kwa go bone ba setse ba ithutile buka ya Kitso le boroutšhara jwa Re Direng. June: Tsamaisa buka ya Kitso kgotsa boroutšhara jwa Re Direng. Fa beng ba legae ba setse ba na le dikgatiso tseno, tsamaisa boroutšhara jo bongwe jo bo tshwanelang jo phuthego e nang le jone mo setokong.

◼ Baboledi ba ba ratang go nna babulatsela ba ba thusang ka April ba tshwanetse go dira dithulaganyo tsa bone gone jaanong mme ba tsenye dikopo tsa bone go sa le gale. Seno se tla thusa bagolwane go dira dithulaganyo tse di tlhokegang tsa tirelo ya tshimo le go nna le dimakasine tse di lekaneng le dibuka tse dingwe. Maina a botlhe ba ba tshwanelegang go nna babulatsela ba ba thusang a tshwanetse go itsisiwe phuthego kgwedi nngwe le nngwe.

◼ Ofisi ya lekala ga e dire dikopo tsa dibuka tse baboledi ba di romelang ka bobone. Molebedi yo o okamelang o tshwanetse go rulaganya gore go balwe kitsiso kgwedi nngwe le nngwe pele ga kopo ya kgwedi le kgwedi ya dibuka tsa phuthego e romelwa kwa lekaleng gore botlhe ba ba ratang go otora dibuka tsa bone ba kgone go itsise mokaulengwe yo o tshwarang dibuka. Tsweetswee gakologelwang gore ke dikgatiso dife tse e leng dilwana tsa dikopo tse di kgethegileng.

◼ Re itumelela go lo begela gore letsholo la tshimo e e sa abiwang la dikgwedi tsa August go ya go October 2002 le ne la atlega thata. Baboledi ba le 8 000 go tswa mo diphuthegong di le 399 ba ne ba dira diura di le 75 843 ba tsamaisa dimakasine di le 45 010, dibuka di le 3 951, le diboroutšhara le dibukana di le 29 205. Ba ne ba dira maeto a go boela a le 7 387 ba bo ba tshwara dithuto tsa Baebele di le 1 734. Go ne ga nna le maitemogelo a le mantsi a a itumedisang mme botlhe ba lebeletse pele ka tlhoafalo e kgolo go simolola ga letsholo la 2003. Re lebogela botlhe moya wa bone wa go intsha setlhabelo.

◼ Tora ya Tebelo ya Cibemba e tla nna gone ka mokwalo o mogolo go simolola ka ya April 1, 2003.

◼ Dikgatiso Tse Disha Tse di Leng Gone:

Atamalana le Jehofa—Chichewa, Seburu, Se-China, Se-Dutch, Seesemane, Sefora, Segerika, Sehebera, Se-Hungary, Sejapane, Sejeremane, Sentadiana, Sepedi, Se-Poland, Sepotokisi, Se-Russia, Seshona, Sesotho, Se-Spain, Seswahili, Setsonga, Setswana, Sevenda, Sexhosa, Sezulu

Thanolo ya Lefatshe le Lesha ya Dikwalo Tse di Boitshepo (E e Tlwaelegileng)—Sezulu

Tsela e e Isang Botshelo Jo bo Sa Khutleng—A o E Bone?—Chichewa, Seesemane, Sefora, Seherero, Se-Kwangali, Sekwanyama, Se-Ndonga, Sepedi, Sepotokisi, Seshona, Sesotho, Se-Spain, Seswahili, Setsonga, Setswana, Sevenda, Sexhosa, Sezulu

Obamela Modimo yo o Esi wa Boammaaruri—Chichewa, Se-China, Seburu, Se-Dutch, Seesemane, Sefora, Segerika, Sehebera, Se-Hindi, Se-Hungary, Sejapane, Sejeremane, Se-Kwangali, Sekwanyama, Se-Ndonga, Sentadiana, Sepedi, Se-Poland, Sepotokisi, Se-Russia, Seshona, Sesotho, Se-Spain, Seswahili, Setsonga, Setswana, Sevenda, Sexhosa, Sezulu