A o Ka Direla Kwa go Nang le Tlhokego e Kgolwane Gone?

Jehofa o ikemiseditse gore dikgang tse di molemo di rerwe “mo lefatsheng lotlhe le le nang le banni” pele bokhutlo bo tla. (Math. 24:14) E re ka o itse seno, a o ka rata go fudugela kwa go nang le tlhokego e kgolwane gone fa e le gore maemo a gago a a go letla? Go tlhokega bagolwane, batlhanka ba bodiredi le babulatsela mo diphuthegong tse di latelang. Fa o sena go rapelela seno, fa e le gore o akanya gore o ka kgona go fudugela kwa go nang le tlhokego e kgolwane gone, tlotla kgang eno le lelapa la gago le bagolwane ba mo phuthegong ya lona. Morago ga moo kwala lekwalo o le neye bagolwane gore le bone ba kwale dikakgelo tsa bone pele ba le romela kwa ofising ya lekala.

Van Stadensrus: Gaufi le Wepener. Go na le kgaitsadi yo o eteletseng pele mo setlhopheng seno se sennye se se kwa thoko sa baboledi ba le banè. Go tlhokega babulatsela, bagolwane kgotsa batlhanka ba bodiredi gore ba etelele pele le go bereka mo tshimong eno e e nang le matswela.

Ga-Mathapo: (Limpopo Province) Go na le phuthego e nnye mo lefelong leno. Ba na le tshimo e kgolo. Go tlhokega malapa a a nonofileng le babulatsela go bereka tshimo eno le go thusa go etelela phuthego pele.

Losasaneng: (North West Province) Eno ke phuthego e e nang le tshimo e kgolo. Go tlhokega bagolwane, batlhanka ba bodiredi le babulatsela gore ba etelele pele le go thusa batho ba ba kgatlhegang.

Malebogo: (Near Hertzogville) Go tlhokega malapa a a nonofileng mo lefelong leno gore a etelele pele. Go na le tshimo e kgolo e e tlhokang go berekwa. Gape go tlhokega bagolwane le batlhanka ba bodiredi gore ba thuse batho ba ba kgatlhegang.

Pimville East: (Soweto) Phuthego eno e na le bagolwane ba le 2 fela le baboledi ba le 70. Fa e le gore o mogolwane, a o ka kgona go ithaopa go tla go thusa phuthego eno e e tlhokang thata bagolwane?

Lesotho Thabana-Morena: Go na le phuthego e nnye ya baboledi ba le robedi. Ba na le tshimo e kgolo. Go tlhokega bagolwane kgotsa batlhanka ba bodiredi ba ba nang le malapa a a nonofileng.

Sekhutloaneng: Go na le baboledi ba le robongwe fela mo phuthegong eno. Go tlhokega babulatsela gore ba thuse batho ba ba kgatlhegang.

Mphaki: Seno ke setlhopha se sennye sa baboledi ba le bararo fela ba ba nang le tshimo e kgolo. Go tlhokega malapa a a nonofileng kgotsa bakaulengwe gore ba etelele pele le go thusa batho ba ba kgatlhegang mo tshimong.