Dikitsiso

◼ Dikgatiso tse di tsamaisiwang ka July le August: Go ka tsamaisiwa epe fela ya diboroutšhara tse di latelang tsa ditsebe tse 32: A o Tshwanetse Wa Dumela Tharonngwe?, A Ruriruri Modimo O Amega Ka Rona?, Fa Mongwe Yo o Mo Ratang a Tlhokafala, Itumelele Botshelo mo Lefatsheng ka Bosakhutleng!, Leina la Modimo Leo Le Tla Nnelang Ruri, Nnang lo Disitse!, Puso Eo E Tla Tlisang Paradaise, le Meya ya Batho Ba Ba Suleng—A E Ka go Thusa Kana E Ka go Gobatsa? A Totatota E A Tshela? September: Totatota Baebele e Ruta Eng? October: Dimakasine tsa Tora ya Tebelo le Tsogang!

◼ Go simolola ka beke ya January 8, 2007, re tla ithuta buka ya Tshenolo—Konelo ya Yone e e Molemolemo e Atametse! kwa Thutong ya Buka ya Phuthego. Diphuthego di tshwanetse go nna le setoko se se tshwanetseng sa dibuka tseno pele buka eno e ithutiwa.

◼ Bakwaledi ba diphuthego ba tshwanetse go tlhomamisa gore ba na le Pioneer Appointment Letter (S-202) ya mmulatsela mongwe le mongwe wa ka metlha mo phuthegong ya bone. Fa e le gore ga ba na makwalo ao, ba tshwanetse go itsise ofisi ya lekala ka go kwala lekwalo.

◼ Go balwa ga ngwaga le ngwaga ga dibuka tsotlhe le dimakasine tse di leng teng go tshwanetse ga dirwa ka August 31, 2006 kana gaufi ka mo go ka kgonegang ka teng le letlha leo. Go balwa gono ga dibuka go tshwana le mo go dirwang ke mookamedi wa dibuka kgwedi nngwe le nngwe, mme palogotlhe ya tsone e tshwanetse go kwalwa mo foromong ya Literature Inventory (S-18). Palogotlhe ya dimakasine tse di leng teng, e ka bonwa mo batlhankeng ba dimakasine. Mokwaledi wa phuthego e e okametseng o tshwanetse go okamela go balwa gono ga dibuka. Ene mmogo le molebedi yo o okamelang wa phuthego e e e okametseng ba tla saena foromo eno. Phuthego nngwe le nngwe e e okamelang e tla amogela diforomo di le tharo tsa Literature Inventory. Tsweetswee lo romelele ofisi ya lekala foromo e e seng ya khabone mme e se ka ya nna morago ga September 6. Ipolokeleng khopi ya khabone mo difaeleng tsa lona. Lo ka nna lwa dirisa khopi ya boraro go balela mo go yone.