Thulaganyo ya Pokano ya Tirelo

Beke e e Simololang ka July 10

Pina 4

10 mets: Dikitsiso tsa phuthego. Dirisa dikakantsho tse di mo tsebeng ya 4 kgotsa dipuisano tse dingwe tse di tshwanelang mo tshimong ya lona go bontsha gore makasine wa Tora ya Tebelo ya July 15 le Tsogang! ya July di ka tsamaisiwa jang. Mo go nngwe ya dipontsho, bontsha kafa o ka arabang ka gone fa motho a kgoreletsa puisano ka gore “Le rona re setse re le Bakeresete fano.”—Bona buka ya Go Fetolana, ts. 19.

15 mets: Tlotla ka dithulaganyo tsa tshimo e e sa abiwang. E neelwe ke molebedi wa tirelo. Tlotla ka dintlha tsa lekwalo la tshimo e e sa abiwang la May 15, 2006, o tlotle ka dibuka tse di tla tsamaisiwang, matlha a go tla iwang ka one, lefelo le go tla berekiwang kwa go lone, lefelo la borobalo le dithulaganyo tsa dipalangwa. A bangwe ba ka tsaya bobulatsela jo bo thusang? Diphuthego tse di sa yeng kwa tshimong e e sa abiwang di tshwanetse go tlotla ka dithulaganyo tsa go bereka tshimo e e berekiwang sewelo.

20 mets: “Thusa Seithuti go Anaanela Dinonofo Tsa ga Jehofa Tse di sa Tshwaneng le Dipe.”a Dira pontsho e e bontshang kafa o ka dirisang dipotso ka gone go thusa seithuti sa Baebele go akanya ka dintlha tse di mo lebokosong la poeletso kwa bofelong jwa kgaolo 1 ya buka ya Baebele e Ruta Eng?

Pina 88 le thapelo e e konelang.

Beke e e Simololang ka July 17

Pina 99

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. Tlotla ka bokhutshwane ka Tora ya Tebelo ya August 15, 2000, tsebe 32. Gatelela melemo ya go nna le thulaganyo ya ka metlha ya go bala Baebele letsatsi le letsatsi, le ka malatsi a boikhutso kgotsa ka dinako tse dingwe fa re sa dire dilo tse re tlwaetseng go di dira.

15 mets: Lorato le Boikokobetso—Dinonofo Tse di Botlhokwa mo Bodireding. Puo e e theilweng mo makasineng wa Tora ya Tebelo ya August 15, 2002, tsebe 18-20, serapa 13-20.

20 mets: “Etsa Jehofa, ‘Modimo wa Rona yo o Itumetseng.’”b Kopa bareetsi go akgela gore ke eng se se ba thusang go nna ba itumetse le go nna le maikutlo a a siameng fa ba rera mo tshimong ya bone.

Pina 189 le thapelo e e konelang.

Beke e e Simololang ka July 24

Pina 218

15 mets: Dikitsiso tsa phuthego. Bala pego ya diakhaonto le makwalo ape a a bontshang gore moneelo wa lona o amogetswe. Dirisa dikakantsho tse di mo tsebeng ya 4 kgotsa dipuisano tse dingwe tse di tshwanelang mo tshimong ya lona go bontsha gore Tora ya Tebelo ya August 1 le Tsogang! ya August di ka tsamaisiwa jang. Kwa bofelong jwa puisano nngwe le nngwe, umaka gape dikakgelo tse di simololang tse di neng tsa dirisiwa go dira gore mong wa ntlo a kgatlhege.

10 mets: “Ba ne Ba Tlhoma Sekao sa Boikanyegi.” Puo e e nang le maitemogelo a le mmalwa a a mo dikgatisong tsa rona a babulatsela ba ba kgethegileng kgotsa botsolotsa babulatsela bape ba ba kgethegileng ba ba leng mo phuthegong ya lona.—Bona Watch Tower Publications Index kafa tlase ga “Special Pioneers.”

20 mets: Nitamang, lo sa Tshikhinyege. (1 Bakor. 15:58) Botsolotsa baboledi ba babedi kgotsa ba bararo kgotsa babulatsela ba ba diretseng ka boikanyegi ka dingwaga di le dintsi. Ba ithutile boammaaruri jang? Tiro ya go rera e ne e dirwa jang fa ba ne ba simolola go rera? Ke mathata afe a ba neng ba lebana le one? Ba nnile le masego afe ka ntlha ya go nna ba nitame mo kobamelong ya boammaaruri?

Pina 12 le thapelo e e konelang.

Beke e e Simololang ka July 31

Pina 28

10 mets: Dikitsiso tsa phuthego. Dikgang Tsa Puso ya Modimo. Gakolola baboledi go tlisa dipego tsa bone tsa tirelo ya tshimo tsa July. Balebedi ba Thuto ya Buka ya Phuthego le bakwaledi ba tshwanetse go tlhomamisa gore dipego dipe tse di saletseng morago tsa dikgwedi tse di fetileng di a phuthiwa le go romelwa le pego ya phuthego ya July. Umaka dikgatiso tse di tsamaisiwang ka August.

15 mets: Kafa Phuthego e Rulagantsweng le go Laolwa ka Teng. Puo le motlotlo le bareetsi o o theilweng mo Kgaolong ya 4 ya Re Rulaganyeditswe go Dira Thato ya ga Jehofa.

20 mets: “Leka ka Natla go Nna le Mekgwa e Mentle, Mme o Bone Masego a le Mantsi.”c Kopa bareetsi go akgela ka maiteko a ba a dirileng a go nna le thulaganyo e e molemo ya dilo tsa semoya le kafa ba tswelelang ba na le yone ka gone le melemo e ba nnileng le yone ka ntlha ya seo.

Pina 130 le thapelo e e konelang.

Beke e e Simololang ka August 7

Pina 209

10 mets: Dikitsiso tsa phuthego. Bontsha ka bokhutshwane kafa dipuisano tse di akantshitsweng tse di mo kgatisong ya Tirelo ya Rona ya Bogosi di ka fetolwang ka gone gore di tshwanele tshimo ya lona.—Bona Tirelo ya Rona ya Bogosi ya January 2005, ts. 8.

15 mets: Dipokano Tse di Tlhotlheletsang mo Loratong le mo Ditirong Tse di Molemo. Puo e e theilweng mo makasineng wa Tora ya Tebelo ya March 15, 2002, tsebe 24-5. Botsolotsa ka bokhutshwane mmoledi mongwe gore o dira maiteko afe go nna gone kwa dipokanong ka metlha le gore o solegelwa molemo jang ke go nna gone ka metlha.

20 mets: Go Nna Badiredi ba ba Nang le Bokgoni Le ba Ba Fetofetogang le Maemo mo Bodireding Jwa Rona. Puo le motlotlo le bareetsi o o theilweng mo makasineng wa Tora ya Tebelo ya December 1, 2005, tsebe 28-30. Mo puong e e theilweng mo serapeng sa 6-11, gatelela kafa Paulo a neng a le kelotlhoko ka gone, a fetofetoga le maemo e bile a na le mekgwa e e siameng fa a rera le fa a ruta. Morago ga moo kopa bareetsi go araba dipotso tsa dirapa 12-14, mme o dire gore di tshwanele phuthego. Dira pontsho e e bontshang kafa baboledi ba ka fetolang dipuisano tsa bone ka gone mo bodireding, ba akanyetsa dilo tse di tlhokwang ke batho ba mo tshimong, maemo a bone le setso sa bone.

Pina 83 le thapelo e e konelang.

[Dintlha tse di kwa tlase]