Thulaganyo ya Pokano ya Tirelo

Beke e e Simololang ka August 14

Pina 163

15 mets: Dikitsiso tsa phuthego. Tlotla ka “Thulaganyo e Ntšha ya Kopano e e Kgethegileng ya Letsatsi le le Lengwe.” Itsise botlhe ka letlha la kopano e e latelang ya letsatsi le le lengwe. Dirisa dikakantsho tse di mo tsebeng ya 4 kgotsa dipuisano tse dingwe tse di tshwanelang tshimo ya lona go dira dipontsho tsa gore Tora ya Tebelo ya August 15 le Tsogang! ya August di ka tsamaisiwa jang. Mo go nngwe ya dipontsho, bontsha kafa o ka arabang ka gone fa motho a kgoreletsa puisano ka gore “Ga ke kgatlhegele Basupi ba ga Jehofa.”—Bona buka ya Go Fetolana, ts. 17-18.

15 mets: “Makasine o o Kgethegileng wa Tsogang! o o Tla Tsamaisiwang ka September.”a Fa lo tlotla ka serapa 4, dira pontsho e khutshwane e e bontshang mosha yo o mo dingwageng tsa bolesome a tsamaisetsa morutabana makasine wa Tsogang! ya September.

15 mets: Ke Leng go ka Tweng o Tsalane Thata le ba Bangwe Kwa Sekolong? Puo le motlotlo le bareetsi o o theilweng mo makasineng wa Tsogang! ya April 2006, tsebe 17-19. Kopa ba ba leng mo bareetsing ba ba godisitsweng mo malapeng a Bakeresete go akgela kafa batsadi ba bone ba neng ba ba baakanyetsa go lebana le mathata ka gone le go dirisa melaometheo ya Baebele kwa sekolong. Go ka nna ga rulaganngwa go sa le gale gore motho a le mongwe kgotsa ba le babedi ba akgele.

Pina 164 le thapelo e e konelang.

Beke e e Simololang ka August 21

Pina 62

15 mets: Dikitsiso tsa phuthego le Dikitsiso tse di tlhophilweng go tswa go Tirelo ya Rona ya Bogosi. Tlotla ka “Thulaganyo e Ntšha ya Kopano ya Potologo,” mme o itsise botlhe ka letlha la kopano e e latelang ya potologo. Pego ka kgatelopele ya tshimo e e sa abiwang. Itsise phuthego ka dithulaganyo tsa September. Botsolotsa mmoledi a le mongwe kgotsa ba le babedi ba ba itumeletseng go atlega go fitlha jaanong.

15 mets: Go Solegelwa Molemo ke Thuto ya Tora ya Tebelo le Pokano ya Phatlalatsa. Puo le motlotlo le bareetsi o o theilweng mo bukeng ya Re Rulaganyeditswe go Dira Thato ya ga Jehofa, tsebe 59 go fitlha mo setlhogwaneng se se mo tsebeng ya 64.

15 mets: “Letsholo la Lefatshe Lotlhe la go Itsise Kopano ya Kgaolo ya ‘Kgololo e Atametse!’”b Tlhomamisa gore o bala dirapa tsotlhe.

Pina 216 le thapelo e e konelang.

Beke e e Simololang ka August 28

Pina 17

10 mets: Dikitsiso tsa phuthego. Bala pego ya diakhaonto le makwalo ape a a bontshang gore moneelo wa lona o amogetswe. Gakolola baboledi go tlisa dipego tsa tirelo ya tshimo tsa August. Re batla go fitlhelela tlhora e nngwe gape e ntšha ya baboledi ka August. Balebedi botlhe ba dithuto tsa buka ba tshwanetse go tlhomamisa gore mongwe le mongwe mo ditlhopheng tsa bone o tlisitse pego ya gagwe gore dipego tsotlhe di kopanngwe ka September 6. Gape ba tshwanetse go tlhomamisa gore dipego dipe tse di saletseng morago mo ngwageng wa tirelo di newa mokwaledi. Go ka thusa fa mokwaledi a ka dira lenaane la dipego tsotlhe tse di saletseng morago pele ga nako mme a neele molebedi mongwe le mongwe wa setlhopha sa buka lenaane leno. Dirisa dikakantsho tse di mo tsebeng ya 4 kgotsa dipuisano tse dingwe tse di tshwanelang mo tshimong ya lona go bontsha gore Tora ya Tebelo ya September 1 kgotsa Tsogang! ya September e ka tsamaisiwa jang fa o dira loeto lwa go boela mo mothong yo o mo isetsang dimakasine ka metlha.

15 mets: O ka Kgona go Nna Motho yo o Kgothatsang. (Bar. 1:11, 12) Puo le motlotlo le bareetsi. Umaka palo ya babulatsela ba ka metlha mo phuthegong. Umaka ditsela tse re ka ba kgothatsang ka tsone, tse di jaaka go ba akgola, go bua ka melemo ya bodiredi jwa bobulatsela, go bereka le bone mo tirelong, go ba laletsa dijo le go ba thusa ka madi a sepalanngwa. Kopa babulatsela ba ka metlha go tlhalosa kafa ba ileng ba kgothadiwa ke ba bangwe ka gone. Fa phuthego e se na babulatsela ba ka metlha, tlotla kafa re ka kgothatsang babulatsela ba ba thusang ka gone.

20 mets: A o Ka Simolola Thuto ya Baebele ka September? Puo le dipontsho. Ka September re tla dira boiteko jo bo kgethegileng jwa go simolola dithuto tsa Baebele mo loetong lwa ntlha, re dirisa buka ya Baebele e Ruta Eng? Seno se raya gore ka nako ya fa re tsamaisa buka eno, re tla leka go tlotla le mong wa ntlo ka dirapa di le mmalwa. Dira dipontsho tse pedi o dirisa dikgang tse di tshwanelang tshimo ya lona. Mo pontshong nngwe le nngwe, bontsha kafa o ka dirang ka gone dithulaganyo tse di tlhomameng tsa go boa le go tsweletsa motlotlo pele.

Pina 37 le thapelo e e konelang.

Beke e e Simololang ka September 4

Pina 90

10 mets: Dikitsiso tsa phuthego.

15 mets: Dilo tse phuthego e tlhokang go di ela tlhoko.

20 mets: Rulaganya Gone Jaanong go Tsaya Bobulatsela jo bo Thusang! Puo le motlotlo le bareetsi. Kgothaletsa botlhe go itlhomela mokgele wa go tsaya bobulatsela jo bo thusang ka kgwedi e le nngwe mo ngwageng o mosha wa tirelo. (1 Bakor. 9:26) Bangwe ba ka nna ba tlhopha kgwedi ya tiro e e kgethegileng kgotsa kgwedi nngwe e e nang le letsatsi la boikhutso kgotsa mafelobeke a a oketsegileng. Botsa bareetsi jaana: “O kgonne jang go fenya mathata mo nakong e e fetileng e le gore o tseye bobulatsela jo bo thusang? Ke masego afe a o nnang le one fa o tsere bobulatsela jo bo thusang? Fa o eletsa go nna mmulatsela mme o sa tlhomamisege, ke ka ntlha yang fa o tshwanetse go rapela ka kgang eno? (Dit. 4:29; 2 Bakor. 4:7; Jak. 1:5) Ke ka ntlha yang fa gape go le molemo go tlotla ka seno le ba lelapa la gago le ba bangwe mo phuthegong, segolobogolo go tlotla le ba ba nang le maemo a a tshwanang le a gago? (Dia. 15:22) O rulaganya go tsaya bobulatsela jo bo thusang leng?”

Pina 225 le thapelo e e konelang.

[Dintlha tse di kwa tlase]