Dikitsiso

◼ Dikgatiso tse di tsamaisiwang ka October: Dimakasine tsa Tora ya Tebelo le Tsogang! November: Ithute mo Morutising yo Mogolo. December: Monna Yo Mogolo go Gaisa Botlhe Ba Ba Kileng Ba Tshela.

◼ E re ka December e na le mafelobeke a le matlhano a a tletseng, e ka nna kgwedi e e molemo ya go tsaya bobulatsela jo bo thusang.

◼ Tsenyeletso e e mo kgatisong eno ya Tirelo ya Bogosi ke “Thulaganyo ya Sekolo sa Bodiredi sa Puso ya Modimo ya 2007” mme e tshwanetse go bolokiwa gore e dirisiwe mo ngwageng otlhe wa 2007.

◼ Go tla tlotliwa ka bidio ya No Blood—Medicine Meets the Challenge kwa Pokanong ya Tirelo ka January. Fa go tlhokega, DVD kgotsa bidio eno e tshwanetse go otariwa ka phuthego ka bonako jo bo kgonegang.

◼ Ga go kitla go tlhokega go otara ditaletso tsa Segopotso tsa paka ya Segopotso sa 2007 e re ka di tla romelelwa phuthego nngwe le nngwe pele ga nako. Fa diphuthego di le mmalwa di dirisa Holo ya Bogosi, mookamedi wa dibuka o tshwanetse go tlhomamisa gore phuthego nngwe le nngwe e e dirisang holo e amogela dipampitshana tsa yone tse e di romeletsweng. Go simolola ka 2007 go ya pele, ditaletso tsa Segopotso ga di kitla di nna tsa ngwaga o o rileng, ka jalo di ka nna tsa bolokiwa mme di dirisiwe ngwaga le ngwaga. Baboledi ba tshwanetse go ela tlhoko gore ba kwala nako le aterese mo ditaletsong tsa Segopotso go ya fela kafa di tlhokegang ka gone, mme dipampitshana tse di setseng di ka dirisiwa mo ngwageng o o latelang fa di sa tladiwa. Fa lo tlhoka dipampitshana tse dingwe kgotsa tsa dipuo tse dingwe go na le tse lo di romeletsweng, lo ka nna lwa di otara ka foromo ya Literature Request Form (S-14). Tsweetswee kwalang gore dipampitshana tseno ke tse dingwe gape mo go tse lo di romeletsweng. Ditaletso tsa Segopotso di tla nna gone ka Seburu, Seesemane, Sefora, Sepotokisi, Sepedi, Sesotho, Setsonga, Setswana, Sexhosa le Sezulu.

◼ Ka maswabi ga go na thulaganyo epe ya gore bakaulengwe ba tle go itseela diotara tsa dibuka tsa phuthego ya bone mo Bethele. Phuthego nngwe le nngwe e pakelwa dibuka tsa yone ka nako e e rileng mme diotara di romelwa go ya ka thulaganyo eno. Tiro e e oketsegileng e dira gore go se ka ga kgonega gore diotara tsa dibuka di pakiwe ka nako e sele. Le fa go ntse jalo, bakaulengwe ba ka kgona go tlisa diforomo tsa diphuthego tsa bone tsa Literature Request Form (S-14) fa ba etela Bethele.

◼ Letsatsi la rona le le kgethegileng la Dimakasine e tla nna ka April 14, 2007. Re kgothaletsa botlhe go simolola go rulaganya gone jaanong go nna le seabe ka botlalo mo ngwageng o o latelang. Diphuthego di tshwanetse go romela diotara tse di kgethegileng tsa dimakasine ka bonako jo bo kgonegang.

◼ Puo ya phatlalatsa e e kgethegileng ya paka ya Segopotso sa 2007 e tla neelwa ka Sontaga, April 15, 2007. Setlhogo sa puo eno se tla itsisiwe moragonyana. Diphuthego tse di tla bong di na le molebedi wa potologo kgotsa kopano ka mafelobeke ao di tla nna le puo e e kgethegileng mo bekeng e e latelang. Ga go na phuthego epe e e tshwanetseng go nna le puo e e kgethegileng pele ga April 15.

◼ Ka Matlhatso, October 14, 2006, dikago tsa lekala di tla bo di tswetswe ka gonne go tla bo go phepafadiwa.