Tlhatlhobo ya Sekolo sa Bodiredi sa Puso ya Modimo

Go tla sekasekiwa dipotso tse di latelang mo Sekolong sa Bodiredi sa Puso ya Modimo ka beke e e simololang ka October 30, 2006. Molebedi wa sekolo o tla tshwara poeletso ya metsotso e le 30 e e theilweng mo tshedimosetsong e e ileng ya ithutiwa mo dipuong tsa go tloga ka beke ya September 4 go ya go October 30, 2006. [Ela tlhoko: Mo dipotsong tse di se nang ditshupiso, o tla tshwanelwa ke go itirela dipatlisiso gore o bone dikarabo.—Bona Sekolo sa Bodiredi, ts. 36-7.]

BOKGONI JWA GO BUA

1. Ke ka ntlha yang fa go le botlhokwa go wela dibete fa re bua, mme re ka dira eng gore re se ka ra tlhobaela thata? [be-TN ts. 135 ser. 5–ts. 137 ser. 2, mabokoso]

2. Fa batho ba re botsa ka dilo tse re di dumelang, ke ka ntlha yang fa re tshwanetse go leka go dirisa Baebele go ba araba? [be-TN ts. 143 ser. 1-3]

3. Re ka godisa jang botswerere jwa rona jwa go dirisa Baebele? [be-TN ts. 144, lebokoso]

4. Ke ka ntlha yang fa go le botlhokwa gore re dirise Baebele thata fa re ruta mo bodireding, mme re ka kgothaletsa jang bareetsi go e dirisa mo dipokanong tsa phuthego? [be-TN ts. 145-6, mabokoso]

5. Maikaelelo a rona a mabedi ke afe fa re tsenyeletsa temana? [be-TN ts. 147 ser. 2]

PUO NO. 1

6. Ke molaetsa ofe o o dirang le gompieno o o mo go Dipesalema? [si-TN ts. 104 ser. 23]

7. Buka ya Diane e ne ya kwalwa le go rulaganngwa leng? [si-TN ts. 107 ser. 5]

8. Seane ke eng, mme ke ka ntlha yang fa leina la Sehebera la buka eno le tshwanela? [si-TN ts. 107 ser. 6]

9. Mo go Diane 2:1-5, kgothatso e e reng re nne re batle kitso, tlhaloganyo le temogo “jaaka selefera [le] jaaka matlotlo a a fitlhegileng” e raya goreng? [be-TN ts. 38 ser. 4]

10. Buka ya Diane ka boyone e itsise jang boikaelelo jwa yone jo bo mosola? [si-TN ts. 109 ser. 19]

MMALO WA BAEBELE WA BEKE LE BEKE

11. Dafide o ne a ‘ritibatsa moya wa gagwe jaaka ngwana yo o sa tswang go kgwisiwa a le mo go mmaagwe’ ka tsela efe mme re ka mo etsa jang? (Pes. 131:1-3)

12. Mafoko a a tlhotlheleditsweng a Pesalema 139:7-12 a ka re gomotsa jang?

13. Ke dikai dife tsa bogolo jwa ga Jehofa tse di umakiwang mo go Pesalema 145 tse re ka mmakelang tsone fa re rapela le fa re le mo bodireding jwa phatlalatsa? (Pes. 145:3)

14. Go boifa Jehofa “ke tshimologo ya kitso” le “tshimologo ya botlhale” ka tsela efe? (Diane 1:7; 9:10)

15. “Mafoko a me” le “ditaelo tsa me” tse go buiwang ka tsone mo go Diane 7:1, 2 di akaretsang?