Thulaganyo ya Pokano ya Tirelo

Beke e e Simololang ka July 14

Pina 126

10 mets: Dikitsiso tsa phuthego. Dirisa dikakantsho tse di mo tsebeng ya 4 kgotsa dipuisano tse dingwe tse di tshwanelang tshimo ya lona, dira gore go dirwe dipontsho tse di bontshang kafa go ka tsamaisiwang ka teng Tora ya Tebelo ya July 1 le Tsogang! ya July.

15 mets: Tlotla ka dithulaganyo tsa tshimo e e sa abiwang. E neelwe ke molebedi wa tirelo. Tlotla ka dintlha tsa lekwalo la tshimo e e sa abiwang la May 31, 2008 le le romeletsweng diphuthego tse di dirang tshimo e e sa abiwang, o tlotle ka dibuka tse di tla tsamaisiwang, matlha a go tla iwang ka one, lefelo le go tla berekiwang kwa go lone, lefelo la borobalo le dithulaganyo tsa dipalangwa. A bangwe ba ka tsaya bobulatsela jo bo thusang? Diphuthego tse di sa yeng kwa tshimong e e sa abiwang di tshwanetse go tlotla ka dithulaganyo tsa go bereka tshimo e e berekiwang ka sewelo.

20 mets: “Nna o Gopotse Letsatsi la ga Jehofa.”a Tlhalosa ka dikarolo tse di tlhomologileng tsa kgatiso eno. Sekaseka thulaganyo ya thuto ya buka le ditaelo tse di mo tsebeng ya 3 ya kgatiso eno ya Tirelo ya Rona ya Bogosi. Kgothaletsa botlhe go nna teng ka metlha mo thutong le go nna le seabe ka botlalo ka go akgela. Botsolotsa ka bokhutshwane baboledi bangwe ba ba itsegeng e le batho ba ba baakanyetsang dipokano sentle mme o ba botse gore ke eng se se ba tlhotlheletsang go dira jalo.

Pina 147

Beke e e Simololang ka July 21

Pina 95

10 mets: Dikitsiso tsa phuthego. Dikitsiso tse di tlhophilweng go tswa go Tirelo ya Rona ya Bogosi. Gakolola bareetsi go tla le Tora ya Tebelo ya August 1 le Tsogang! ya August mo Pokanong ya Tirelo ya beke e e tlang le go ipaakanyetsa go tlotla ka dipuisano tse di ka tshwanelang tshimo ya lona.

15 mets: A o Na le “Kgololesego ya go Bua”? Puo e e theilweng mo makasineng wa Tora ya Tebelo ya May 15, 2006, ditsebe 13-16. Gatelela botlhokwa jwa go rera ka bopelokgale.

20 mets: “Go Baakanyetsa—Tsela ya go Nna le Maeto a go Boela a a Nang le Matswela.”b Akaretsa pontsho ya metsotso e le menè ya mmoledi yo o buang a le esi a baakanyetsa maeto a gagwe a go boela. O sekaseka tshedimosetso e a e kwadileng mme o swetsa ka gore o tshwanetse go boela kwa bathong ba babedi mafelobeke ano. Morago ga foo, malebana le mongwe le mongwe wa bone, o sekaseka gore o ile a tlotla eng le bone mo nakong e e fetileng, mme a bo a bona gore o ikaeletse go dira eng mme a bo a baakanyetsa gore o tla dira jang gore a fitlhelele boikaelelo jwa gagwe. Malebana le motho yo mongwe, o baakanyetsa gore a kope go ithuta Baebele le ene. Malebana le yo mongwe, o baakanyetsa gore a tsose kgatlhego ya gagwe ka go dirisa dikakantsho tse di mo tsebeng ya 5.

Pina 189

Beke e e Simololang ka July 28

Pina 6

10 mets: Dikitsiso tsa phuthego. Gakolola botlhe go tlisa dipego tsa bone tsa tirelo ya tshimo tsa July. Bala pego ya diakhaonto le makwalo a a bontshang gore meneelo ya lona e amogetswe. Umaka dikgatiso tse di tsamaisiwang ka August, mme o dire gore go nne le pontsho ka puisano e le nngwe.

15 mets: Go Nna re Gopotse Gore Dinako di Potlakile. Puo e e neelwang ka matlhagatlhaga e e theilweng mo makasineng wa Tora ya Tebelo ya December 15, 2006, ditsebe 18-19, dirapa 17-21.

20 mets: Ipaakanyetse go Aba Dimakasine Tsa Bosheng. Motlotlo le bareetsi. Fa o sena go sobokanya ka bokhutshwane dintlha tsa Tsogang! ya August le Tora ya Tebelo ya August 1, botsa bareetsi gore ke ditlhogo dife tse batho ba tshimo ya lona ba ka di kgatlhegelang thata le gore ke ka ntlha yang. Kopa bareetsi go umaka dintlha tse di rileng mo ditlhogong tseno tse ba ikaelelang go di dirisa. O ka botsa potso efe go simolola motlotlo? O ka bala temana efe mo setlhogong seo? Dira gore go dirwe dipontsho tse di bontshang kafa nngwe le nngwe ya dimakasine tseno e ka tsamaisiwang ka teng go dirisiwa dikakantsho tsa bareetsi kgotsa tse di mo kgatisong eno ya Tirelo ya Rona ya Bogosi.

Pina 106

Beke e e Simololang ka August 4

Pina 222

10 mets: Dikitsiso tsa phuthego.

15 mets: A Bana ba Gago ba Siametse Tshimo ya Bone e e Tlhomologileng? Motlotlo le bareetsi. Tlhalosa dikgwetlho dingwe tse basha ba Bakeresete ba lebanang le tsone kwa sekolong. Tlhalosa kafa batsadi le bana ba bone ba ka dirisang Watch Tower Publications Index ka teng go bona tshedimosetso e e ka ba thusang. Neela dikai dingwe. (Bona setlhogo se segolo sa “Schools,” setlhogwana “experiences.”) Kopa bangwe mo bareetsing ba ba godisitsweng mo malapeng a Bakeresete gore ba akgele kafa batsadi ba bone ba ileng ba ba thusa ka teng go lebana le dikgwetlho le kafa ba ka dirisang melaometheo ya Baebele ka teng kwa sekolong. Ba ka nna ba umaka kafa ba ileng ba baakanyetsa dikabelo tsa sekolo tse ba di fitlhetseng mo ditlhogong tse di mo go Tsogang! ka teng. Dira gore ba tlhalose kafa go bereka tshimo ya bone e e tlhomologileng go ba sireleditseng ka teng.

20 mets: “Re Pitikolola Dilo Tse di Nweleletseng Kwa Teng Thata.”c Kopa bareetsi gore ba tlhalose kafa motho yo o neng a ithuta Baebele le bone a ileng a ba thusa ka bopelotelele ka teng gore ba tlogele ditumelo tsa maaka tsa bodumedi tse di neng di nweleletse thata mo go bone.

Pina 83

[Dintlha tse di kwa tlase]