Thulaganyo ya Sekolo Sa Bodiredi sa Puso Ya Modimo sa 2009
DITAELO
Ka 2009 go tla dirisiwa thulaganyo e e latelang fa go tshwarwa Sekolo sa Bodiredi sa Puso ya Modimo.
DIKGATISO TSE DI TLA DIRISIWANG: Thanolo ya Lefatshe le Lesha ya Dikwalo Tse di Boitshepo [bi12-TN], “Lokwalo Longwe le Longwe lo Tlhotlheleditswe ke Modimo E bile lo Mosola” [si-TN], Ithute mo Morutising yo Mogolo [lr-TN] le Go Fetolana ka Dikwalo [rs-TN].
Sekolo se tshwanetse go simolola KA NAKO ka dikakgelo tsa go amogela ba ba leng gone mme se tswelele jaaka go bontshitswe fa tlase fano. Morago ga puo nngwe le nngwe, molebedi wa sekolo o tla rola puo e e latelang.
DINTLHAKGOLO TSA MMALO WA BAEBELE: Metsotso e le 10. Mogolwane yo o tshwanelegang kgotsa motlhanka wa bodiredi o tshwanetse go dirisa metsotso ya ntlha e le menè go tlotla ka dintlha tsa Dikwalo go tswa mo mmalong wa Baebele wa beke le beke. Seno se ka se diriwe fela fa e le gore mmalo wa Baebele wa beke le beke o simolola ka kgaolo ya ntlha ya buka ya Baebele. Mo maemong ano, metsotso ya ntlha e menè e tla dirisediwa go tlotla ka dintlha tse di tswang mo bukeng ya “Lokwalo Longwe le Longwe.” Ka sekai, ka beke ya January 5, go tla tlotliwa ka dikgaolo tse tlhano tsa ntlha tsa Genesise, ka jalo sebui se tshwanetse go tlhopha dintlhakgolo tse mmalwa go tswa mo dirapeng tsa ntlha tse di buang ka buka ya Genesise tse di mo bukeng ya “Lokwalo Longwe le Longwe.” O tshwanetse go tlhalosa tshedimosetso eno ka tsela e e tla solegelang phuthego molemo. E ka tswa go tlotliwa ka mmalo wa Baebele wa beke le beke kgotsa ka dintlha tse di tswang mo bukeng ya “Lokwalo Longwe le Longwe,” boikaelelo jo bogolo ke go thusa bareetsi gore ba lemoge lebaka la go bo tshedimosetso eno e le botlhokwa mo go bone le ka moo e leng botlhokwa ka gone. Sebui se tshwanetse go nna kelotlhoko gore se se fete metsotso e menè e e abetsweng karolo e e simololang. O tshwanetse go tlhomamisa gore metsotso e le merataro ya bofelo e beelwe bareetsi gore ba nne le seabe ka go neela dikakgelo tse dikhutshwane tse nngwe le nngwe ya tsone e tsayang metsotswana e le 30 kgotsa kafa tlase ga yone ka dintlha tse ba fitlhetseng di kgatlha mo mmalong wa Baebele wa beke le beke. Morago ga moo, motshwari wa sekolo o tla phatlalatsa baithuti ba ba abetsweng kwa diphaposing tse dingwe.
PUO NO. 1: Metsotso e le 4 kgotsa e e kafa tlase. Ke mmalo o o neelwang ke mokaulengwe. Moithuti o tshwanetse go bala dintlha tse a di abetsweng a sa dire matseno ape le fa e le konelo epe. Molebedi wa sekolo o tla ela tlhoko thata gore o thusa baithuti go bala ka tsela e e bontshang gore ba tlhaloganya se ba se balang, go bala ka thelelo, go gatelela dintlha ka tsela e e tshwanetseng, go fetofetola modumo wa lentswe, go kgwa mowa ka tsela e e tshwanetseng le go bala ka tsela ya tlholego.
PUO NO. 2: Metsotso e le 5. E tla neelwa ke kgaitsadi. Bokgaitsadi ba ba newang puo eno, ba tla abelwa seting kgotsa ba tla itlhophela yone go tswa mo go tse di mo lenaaneng le le mo go tsebe 82, ya buka ya Solegelwa Molemo ke Thuto ya Sekolo sa Bodiredi sa Puso ya Modimo. Moithuti o tshwanetse go dirisa setlhogo se a se abetsweng mme a dire gore se tshwanele maemo a tshimo ya phuthego ya bone. Fa go sa supiwa gore dintlha tsa puo di tswa mo kgatisong efe, moithuti o tla tshwanelwa ke go ipatlela dintlha tsa puo eno ka go dira dipatlisiso mo dikgatisong tsa rona. Molebedi wa sekolo o tla ela tlhoko thata tsela e moithuti a tlhalosang dintlha ka yone le kafa a thusang mong wa ntlo ka teng go tlhalosa mabaka a dirisa Dikwalo, le go tlhaloganya dintlha tsa konokono tse ba tlotlang ka tsone. Molebedi wa sekolo o tla aba mothusi a le mongwe.
PUO NO. 3: Metsotso e le 5. Puo eno e ka abelwa mokaulengwe kgotsa kgaitsadi. Moithuti o tshwanetse go tlhalosa dintlha tse di gatelelang setlhogo se a se abetsweng. Fa go sa supiwa gore dintlha di tswa mo kgatisong efe, moithuti o tla tshwanelwa ke go ipatlela dintlha tsa puo eno ka go dira dipatlisiso mo dikgatisong tsa rona. Fa puo eno e abetswe mokaulengwe, o tshwanetse go e neela a bua le bareetsi botlhe mo Holong ya Bogosi. Fa puo eno e neetswe kgaitsadi, ka dinako tsotlhe e tshwanetse go neelwa jaaka go bontshitswe mo go Puo No. 2. Tsweetswee ela tlhoko gore ditlhogo tse di nang le naletsana di tshwanetse go abelwa bakaulengwe fela gore ba di neele e le puo mme fa go na le bagolwane le batlhanka ba bodiredi ba ba lekaneng mo phuthegong ya lona go ka dirisiwa bone.
KGAKOLOLO: Motsotso o le mongwe kgotsa e le mebedi. Molebedi wa sekolo ga a kitla a itsise e sa le pele gore moithuti o berekela mo bokgoning bofe jwa go bua. Morago ga Puo No. 1, No. 2, le No. 3, molebedi wa sekolo o tla neela moithuti mongwe le mongwe kgakololo e e molemo ka karolo nngwe ya puo e a dirileng sentle mo go yone a bontsha mabaka a go bo a dirile sentle mo karolong nngwe ya puo mme a nna a lebisa tlhokomelo mo bukeng ya Sekolo sa Bodiredi. Go ikaegile ka gore moithuti o tlhaela kae, molebedi wa sekolo a ka nna a naya moithuti kgakololo e e mosola kwa thoko morago ga dipokano kgotsa ka nako e nngwe.
NAKO: Ga go puo epe kgotsa dikakgelo tsa mogakolodi tse di tshwanetseng go feta nako e di e beetsweng. Dipuo No. 1, No. 2, le No. 3 di tshwanetse go emisiwa ka botlhale fa nako ya tsone e fedile. Fa bakaulengwe ba ba neelang dintlhakgolo tsa mmalo wa Baebele ba ja nako, ba tshwanetse go neelwa kgakololo kwa thoko. Botlhe ba tshwanetse go ela tlhoko nako ya bone. Thulaganyo yotlhe: metsotso e le 30.
PAMPITSHANA YA KGAKOLOLO: E mo bukeng ya Sekolo sa Bodiredi.
MOGAKOLODI YO O THUSANG: Mo godimo ga go tlhopha motshwari wa sekolo, setlhopha sa bagolwane se ka nna sa tlhopha mogolwane yo o nang le bokgoni fa a le gone gore a nne mogakolodi yo o thusang. Fa go na le bagolwane ba le mmalwa mo phuthegong, ngwaga le ngwaga go ka nna ga abelwa mogolwane o sele yo o tshwanelegang go dira kabelo eno. Boikarabelo jwa mogakolodi yo o thusang e tla bo e le go neela bakaulengwe ba ba neelang dintlhakgolo tsa Baebele kgakololo kwa thoko fa go tlhokega. Ga go tlhokege gore a neye bagolwane ka ene kgotsa batlhanka ba bodiredi kgakololo eo nako le nako fa ba sena go neela dipuo.
TLHATLHOBO YA SEKOLO SA BODIREDI SA PUSO YA MODIMO: Metsotso e le 20. Mo dikgweding dingwe le dingwe tse pedi, molebedi wa sekolo o tla botsa dipotso tsa tlhatlhobo ka se se ithutilweng. Pele ga tsone go tla tlotliwa ka dintlhakgolo tsa mmalo wa Baebele jaaka go tlhalositswe fa godimo. Dipotso tsa tlhatlhobo di tla bo di theilwe mo dintlheng tse di ithutilweng mo sekolong dikgwedi di le pedi tse di fetileng go akaretsa le tsa beke eo. Fa phuthego ya lona e na le kopano ya potologo kgotsa ketelo ya molebedi wa potologo ka beke e lo tshwanetseng go tshwara Tlhatlhobo ya Sekolo sa Bodiredi sa Puso ya Modimo ka yone, tlhatlhobo eo e tshwanetse ya dirwa mo bekeng e e latelang mme go tshwanetse go dirisiwa Dipuo No. 1, No. 2, le No. 3 tsa beke e e latelang. Ga go a tshwanelwa go dirwa diphetogo dipe mo thulaganyong ya mmalo wa Baebele wa beke le beke kgotsa mo puong ya dintlhakgolo tsa Baebele.
THULAGANYO
Jan. 5 Mmalo wa Baebele: Genesise 1-5
No. 1: Genesise 3:1-15
No. 2: Lebaka La go Bo Jesu E ne E le Morutisi yo Mogolo (lr-TN kgao. 1)
No. 3: Ke Eng se e Seng sa Lefela? (1 Bakor. 15:58)
Jan. 12 Mmalo wa Baebele: Genesise 6-10
No. 1: Genesise 9:1-17
No. 2: Kafa o ka Arabelang ka Gone Bao ba ka Nnang ba Kgoreletsa Puisano Malebana le go Dumela mo Modimong (rs-TN ts. 292 ¶3–ts. 293 ¶3)
No. 3: Lekwalo le le Tswang Kwa Modimong yo o Lorato (lr-TN kgao. 2)
Jan. 19 Mmalo wa Baebele: Genesise 11-16
No. 1: Genesise 14:1-16
No. 2: Ene yo o Dirileng Dilo Tsotlhe (lr-TN kgao. 3)
No. 3: Jehofa o re Bopa Jang? (Isa. 64:8)
Jan. 26 Mmalo wa Baebele: Genesise 17-20
No. 1: Genesise 17:1-17
No. 2: Lebaka La go Bo Batho ba Paletswe ke go Tlhoma Puso ya Tshiamiso (rs-TN ts. 173-174 ¶3)
No. 3: Modimo O na Le Leina (lr-TN kgao. 4)
Feb. 2 Mmalo wa Baebele: Genesise 21-24
No. 1: Genesise 22:1-18
No. 2: “Yono ke Morwaake” (lr-TN kgao. 5)
No. 3: a Ditsela Tse re ka Pitlologang ka Tsone mo Loratong Lwa Rona Mo go Ba Bangwe (2 Bakor. 6:11-13)
Feb. 9 Mmalo wa Baebele: Genesise 25-28
No. 1: Genesise 25:1-18
No. 2: Morutisi yo Mogolo O ne A Direla ba Bangwe Dilo (lr-TN kgao. 6)
No. 3: Lebaka La go Bo Maiteko a Batho a go Tlisa Kgololo A ka Se Atlege (rs-TN ts. 174 ¶4–ts. 175 ¶2)
Feb. 16 Mmalo wa Baebele: Genesise 29-31
No. 1: Genesise 29:1-20
No. 2: Lebaka La go Bo re Tshwanetse go ‘Tlogela go Tlhobaela’ (Math. 6:25)
No. 3: Go Utlwa Go a Go Sireletsa (lr-TN kgao. 7)
Feb. 23 Mmalo wa Baebele: Genesise 32-35
Tlhatlhobo ya Sekolo sa Bodiredi sa Puso ya Modimo
Mar. 2 Mmalo wa Baebele: Genesise 36-39
No. 1: Genesise 39:1-16
No. 2: Go na Le Batho ba Bagolo go re Feta (lr-TN kgao. 8)
No. 3: Bogosi jwa Modimo ke Jone Fela bo ka Thusang Batho ka Dilo Tse ba di Tlhokang (rs-TN ts. 175 ¶3–ts.176 ¶1)
Mar. 9 Mmalo wa Baebele: Genesise 40-42
No. 1: Genesise 40:1-15
No. 2: Re Tshwanetse go Gana fa Batho ba re Raela (lr-TN kgao. 9)
No. 3: b Tlhokomela Moya wa go Itaola!
Mar. 16 Mmalo wa Baebele: Genesise 43-46
No. 1: Genesise 44:1-17
No. 2: Jesu o Maatla go Feta Madimona (lr-TN kgao. 10)
No. 3: Boporofeti Jwa Baebele bo Itshupile bo Ikanyega Gotlhelele (rs-TN ts. 176 ¶2-ts. 177 ¶1)
Mar. 23 Mmalo wa Baebele: Genesise 47-50
No. 1: Genesise 48:1-16
No. 2: A re Tshwanetse go Boifa Diabolo?
No. 3: Thuso e e Tswang Kwa Baengeleng ba Modimo (lr-TN kgao. 11)
Mar. 30 Mmalo wa Baebele: Ekesodo 1-6
No. 1: Ekesodo 1:1-19
No. 2: Jesu o re Ruta go Rapela (lr-TN kgao. 12)
No. 3: A Phodiso ya Dikgakgamatso mo Motlheng wa Rona e Dirwa ka Moya wa Modimo? (rs-TN ts. 318 ¶2-ts. 319 ¶3)
Apr. 6 Mmalo wa Baebele: Ekesodo 7-10
No. 1: Ekesodo 9:1-19
No. 2: Ba ba Neng ba Nna Barutwa ba ga Jesu (lr-TN kgao. 13)
No. 3: c Re ka Dumalanya Jang Bagalatia 6:2 le Bagalatia 6:5?
Apr. 13 Mmalo wa Baebele: Ekesodo 11-14
No. 1: Ekesodo 12:21-36
No. 2: Lebaka La go Bo re Tshwanetse go Itshwarela ba Bangwe (lr-TN kgao. 14)
No. 3: Kafa Diphodiso Tsa ga Jesu le Tsa Barutwa ba Gagwe ba Bogologolo di Farologanang ka Gone le Tsa Gompieno (rs-TN ts. 319-ts. 320 ¶2)
Apr. 20 Mmalo wa Baebele: Ekesodo 15-18
No. 1: Ekesodo 15:1-19
No. 2: Ke Eng se se Akarediwang mo go Tileng Kobamelo ya Maaka?
No. 3: Thuto ka go Nna Molemo (lr-TN kgao. 15)
Apr. 27 Mmalo wa Baebele: Ekesodo 19-22
Tlhatlhobo ya Sekolo sa Bodiredi sa Puso ya Modimo
May 4 Mmalo wa Baebele: Ekesodo 23-26
No. 1: Ekesodo 24:1-18
No. 2: Ke Eng se se Leng Botlhokwa Thata? (lr-TN kgao. 16)
No. 3: Kafa Bakeresete ba Boammaaruri ba Lemogiwang Gompieno (rs-TN ts. 320 ¶3–ts. 321 ¶1)
May 11 Mmalo wa Baebele: Ekesodo 27-29
No. 1: Ekesodo 29:1-18
No. 2: Tsela ya go Itumela (lr-TN kgao. 17)
No. 3: d Go Ikanyega ka Tsela E e Sa Tshwanelang le Dikotsi Tsa Gone
May 18 Mmalo wa Baebele: Ekesodo 30-33
No. 1: Ekesodo 31:1-18
No. 2: Lebaka La go Bo Batho ba Lekgolo la Ntlha la Dingwaga Ba ne Ba Newa Dimpho Tsa go Fodisa (rs-TN ts. 321 ¶2–ts. 322 ¶2)
No. 3: A o Gakologelwa go Leboga? (lr-TN kgao. 18)
May 25 Mmalo wa Baebele: Ekesodo 34-37
No. 1: Ekesodo 37:1-24
No. 2: A go Lwa go Siame? (lr-TN kgao. 19)
No. 3: e Go Tlogelela Dilo Fela go Kaya Eng, Mme ke ka Ntlha Yang re Tshwanetse go go Tila?
June 1 Mmalo wa Baebele: Ekesodo 38-40
No. 1: Ekesodo 40:1-19
No. 2: A o Rata go Nna Kwa Pele ka Metlha? (lr-TN kgao. 20)
No. 3: Go na Le Tsholofelo Efe ya Phodiso ya Mmatota mo Bathong Botlhe? (rs-TN ts. 322 ¶3-5)
June 8 Mmalo wa Baebele: Lefitiko 1-5
No. 1: Lefitiko 4:1-15
No. 2: A re Tshwanetse go Ikgantsha? (lr-TN kgao. 21)
No. 3: f Bakeresete ba Tshwanetse go Dirisa Jang Taolo?
June 15 Mmalo wa Baebele: Lefitiko 6-9
No. 1: Lefitiko 8:1-17
No. 2: ‘A o Dumela mo Phodisong?’ (rs-TN ts. 322 ¶6–ts. 323 ¶1)
No. 3: Lebaka La go Bo re Sa Tshwanela go Bua Maaka (lr-TN kgao. 22)
June 22 Mmalo wa Baebele: Lefitiko 10-13
No. 1: Lefitiko 11:29-45
No. 2: Lebaka La go Bo Batho ba Lwala (lr-TN kgao. 23)
No. 3: Masego a Barutwa ba ba Kolobeditsweng ba Nnang le One
June 29 Mmalo wa Baebele: Lefitiko 14-16
Tlhatlhobo ya Sekolo sa Puso ya Modimo
July 6 Mmalo wa Baebele: Lefitiko 17-20
No. 1: Lefitiko 19:1-18
No. 2: A Rotlhe re Kile ra Nna Gone mo Lefelong la Moya Pele ga re Tshela Jaaka Batho? (rs-TN ts. 227 ¶1–ts. 228 ¶1)
No. 3: Le ka Motlha O se Ka wa Nna Legodu! (lr-TN kgao. 24)
July 13 Mmalo wa Baebele: Lefitiko 21-24
No. 1: Lefitiko 22:17-33
No. 2: A Batho ba ba Dirang Dilo Tse di Bosula ba ka Fetoga? (lr-TN kgao. 25)
No. 3: Kafa Bakeresete ba Boammaaruri ba Amegang ka Bahumanegi ka Teng
July 20 Mmalo wa Baebele: Lefitiko 25-27
No. 1: Lefitiko 25:39-54
No. 2: Lebaka la Go bo Go le Thata go Dira se se Molemo (lr-TN kgao. 26)
No. 3: Fa Adame A ka Bo a Sa Leofa a Kgabagare O ne A Tla ya Legodimong? (rs-TN ts. 228 ¶2-3)
July 27 Mmalo wa Baebele: Dipalo 1-3
No. 1: Dipalo 3:1-20
No. 2: Lebaka La go Bo go Nna Bonolo go Tlhoka Boikgapo
No. 3: Modimo wa Gago ke Mang? (lr-TN kgao. 27)
Aug. 3 Mmalo wa Baebele: Dipalo 4-6
No. 1: Dipalo 4:1-16
No. 2: Kafa o ka Itseng ka Teng Gore o Utlwe Mang (lr-TN kgao. 28)
No. 3: A Motho o Tshwanetse go ya Legodimong Gore a Nne le Isagwe e e Itumedisang Tota? (rs-TN ts. 228 ¶4-6)
Aug. 10 Mmalo wa Baebele: Dipalo 7-9
No. 1: Dipalo 9:1-14
No. 2: A Diphathi Tsotlhe di Itumedisa Modimo? (lr-TN kgao. 29)
No. 3: Ditsela Tse ka Tsone re ka Bontshang Gore re Ikanyega mo go Jehofa
Aug. 17 Mmalo wa Baebele: Dipalo 10-13
No. 1: Dipalo 13:17-33
No. 2: Se se Ka re Thusang go Fenya Dilo Tse di re Boifisang (lr-TN kgao. 30)
No. 3: Petere wa Ntlha 3:19, 20 e Kaya Eng? (rs-TN ts. 229 ¶1)
Aug. 24 Mmalo wa Baebele: Dipalo 14-16
No. 1: Dipalo 14:26-43
No. 2: Go Kaya Eng go Rata Molao wa Modimo? (Pes. 119:97)
No. 3: Kwa re ka Bonang Kgomotso Teng (lr-TN kgao. 31)
Aug. 31 Mmalo wa Baebele: Dipalo 17-21
Tlhatlhobo ya Sekolo sa Puso ya Modimo
Sept. 7 Mmalo wa Baebele: Dipalo 22-25
No. 1: Dipalo 22:20-35
No. 2: Kafa Jesu a Neng a Sirelediwa ka Teng (lr-TN kgao. 32)
No. 3: Petere wa Ntlha 4:6 e Kaya Eng? (rs-TN ts. 229 ¶2)
Sept. 14 Mmalo wa Baebele: Dipalo 26-29
No. 1: Dipalo 27:1-14
No. 2: Taolo ya Mogopolo ke Eng Mme ke Eng e le Botlhokwa? (Baef. 6:4)
No. 3: Jesu A ka Re Sireletsa (lr-TN kgao. 33)
Sept. 21 Mmalo wa Baebele: Dipalo 30-32
No. 1: Dipalo 32:1-15
No. 2: Go Tla Direga Eng fa re Swa? (lr-TN kgao. 34)
No. 3: A Botshelo Jwa Kwa Legodimong ke Tsholofelo ya Bakeresete Botlhe? (rs-TN ts. 230 ¶1-3)
Sept. 28 Mmalo wa Baebele: Dipalo 33-36
No. 1: Dipalo 33:1-23
No. 2: Re ka Tsoga mo Losong! (lr-TN kgao. 35)
No. 3: Ditsela Tse Bogosi Jwa Modimo bo Leng Bogolo go Feta Dipuso Tsotlhe Tsa Batho
Oct. 5 Mmalo wa Baebele: Duteronome 1-3
No. 1: Duteronome 2:1-15
No. 2: “Tesetamente e Ntsha” ya Reng ka Botshelo Jo bo Sa Khutleng mo Lefatsheng? (rs-TN ts.231 ¶1-6)
No. 3: Ke bo Mang ba ba Tlileng go Tsosiwa? Ba Tlile go Nna Kae? (lr-TN kgao. 36)
Oct. 12 Mmalo wa Baebele: Duteronome 4-6
No. 1: Duteronome 4:15-28
No. 2: Gakologelwa Jehofa le Morwawe (lr-TN kgao. 37)
No. 3: Ke leng go ka Tweng go Botoka go Nna le mo Gonnye? (Dia. 15:16)
Oct. 19 Mmalo wa Baebele: Duteronome 7-10
No. 1: Duteronome 9:1-14
No. 2: Lebaka La go Bo re Tshwanetse go Rata Jesu (lr-TN kgao. 38)
No. 3: Baebele e Solofetsa Batho ba le Kae Botshelo Jwa Kwa Legodimong? (rs-TN ts. 232 ¶1-2)
Oct. 26 Mmalo wa Baebele: Duteronome 11-13
Tlhatlhobo ya Sekolo sa Puso ya Modimo
Nov. 2 Mmalo wa Baebele: Duteronome 14-18
No. 1: Duteronome 15:1-15
No. 2: Go Boifa Modimo go Akaretsa Eng?
No. 3: Modimo o Gakologelwa Morwawe (lr-TN kgao. 39)
Nov. 9 Mmalo wa Baebele: Duteronome 19-22
No. 1: Duteronome 22:1-19
No. 2: Kafa re ka Itumedisang Modimo ka Gone (lr-TN kgao. 40)
No. 3: A ba ba 144 000 ke Bajuda ba Tlholego Fela? (rs-TN ts. 232 ¶3–ts. 233 ¶1)
Nov. 16 Mmalo wa Baebele: Duteronome 23-27
No. 1: Duteronome 25:1-16
No. 2: Bana ba ba Itumedisang Modimo (lr-TN kgao. 41)
No. 3: g Ke Dilo Dife Tse re Tshwanetseng go di Tsaya di le Boitshepo?
Nov. 23 Mmalo wa Baebele: Duteronome 28-31
No. 1: Duteronome 30:1-14
No. 2: Lebaka La go Bo re Tshwanetse go Bereka (lr-TN kgao. 42)
No. 3: Tsholofelo ya Dikwalo ya “Boidiidi jo Bogolo” ke Eng? (rs-TN ts. 233 ¶2–4)
Nov. 30 Mmalo wa Baebele: Duteronome 32-34
No. 1: Duteronome 32:1-21
No. 2: “Letsatsi le Legolo la ga Jehofa” ke Eng? (Sefa. 1:14)
No. 3: Bokgaitsadiarona le Bomorwarraarona ke Bomang? (lr-TN kgao. 43)
Dec. 7 Mmalo wa Baebele: Joshua 1-5
No. 1: Joshua 5:1-15
No. 2: Re Tshwanetse go Nna le Ditsala Tse di Ratang Modimo (lr-TN kgao. 44)
No. 3: Bogosi jwa Modimo ke Eng? Kafa re ka Bontshang ka Teng Gore re Batla Gore bo Tle (lr-TN kgao. 45)
Dec. 14 Mmalo wa Baebele: Joshua 6-8
No. 1: Joshua 8:1-17
No. 2: A Lefatshe le Tla Fedisiwa ka Morwalela Gape? (lr-TN kgao. 46)
No. 3: Ke ka Ntlha Yang fa Moreri 7:21, 22 e le Kgakololo e e Tshwanelang?
Dec. 21 Mmalo wa Baebele: Joshua 9-11
No. 1: Joshua 9:1-15
No. 2: Kafa re ka Bonang ka Teng Gore Haramagedona e Atametse (lr-TN kgao. 47)
No. 3: O ka Kgona go Tshela mo Lefatsheng le Lesha la Modimo la Kagiso (lr-TN kgao. 48)
Dec. 28 Mmalo wa Baebele: Joshua 12-15
Tlhatlhobo ya Sekolo sa Puso ya Modimo
[Dintlha tse di kwa tlase]
a E abelwe bakaulengwe fela, segolobogolo bagolwane kgotsa batlhanka ba bodiredi.
b E abelwe bakaulengwe fela, segolobogolo bagolwane kgotsa batlhanka ba bodiredi.
c E abelwe bakaulengwe fela, segolobogolo bagolwane kgotsa batlhanka ba bodiredi.
d E abelwe bakaulengwe fela, segolobogolo bagolwane kgotsa batlhanka ba bodiredi.
e E abelwe bakaulengwe fela, segolobogolo bagolwane kgotsa batlhanka ba bodiredi.
f E abelwe bakaulengwe fela, segolobogolo bagolwane kgotsa batlhanka ba bodiredi.
g E abelwe bakaulengwe fela, segolobogolo bagolwane kgotsa batlhanka ba bodiredi.