Dintlhakgolo Tsa Tirelo ya Tshimo

Ka kgwedi ya January 2015, go ile ga nna le koketsego ya baboledi kwa Namibia le Swaziland. Namibia e ile ya bega palo ya baboledi ba le 2 398, e leng koketsego ya diperesente di le robongwe mo ngwageng o o fetileng. Mme koketsego ya kwa Namibia e bonala sentle ka gonne e ile ya bega palo ya dithuto tsa Baebele di le 4 389 le maeto a go boela a le 18 984 ka kgwedi ya January. Swaziland e ile ya bega palo ya baboledi ba le 3 563, e leng koketsego ya diperesente di le 19. Go sa ntse go na le batho ba le bantsi ba ba kgatlhegelang molaetsa wa Bogosi mo tshimong e e tlhokometsweng ke lekala la rona mme re lebile pele go bona Jehofa a romela badiri ba ba oketsegileng mo tshimong ya rona.—Mathaio 9:38.