Dikai Tsa Puisano

Tora ya Tebelo August 1

“Re etela baagelani ba rona ka bokhutshwane go ba thusa go lepalepana le bothata jo bo aparetseng batho botlhe. A o dumalana le nna gore go swelwa ke mongwe yo o mo ratang ke sengwe sa dilo tse di botlhoko thata? [Mo letle a arabe.] Mma ke go balele ka tsholofetso eno e e kgothatsang e e mo Baebeleng. [Bala Tshenolo 21:3, 4.] Baebele e re solofetsa gore letsatsi lengwe batho ba re ba ratang ba ba suleng ba tla tsosiwa mo baswing. Makasine ono o tlhalosa gore seo se tla direga jang.”

Tsogang! August

“Re bontsha baagelani ba rona setlhogo se se buang ka tsela e disele tsa rona tsa mmele di nang le tshedimosetso e e ntsintsi ka gone. [Mmontshe khabara ya makasine wa Tsogang!] Batho ba le bantsi ba tsaya gore sele ya mmele ga ya bopiwa ke ope fa ba bangwe bone ba tsaya gore go na le mongwe yo o e bopileng. Wena o akanya eng? [Mo letle a arabe.] Makasine ono o tlhalosa dilo tse baitsesaense ba di fitlheletseng tse di malebana le tsela e e gakgamatsang e disele tsa mmele di raraaneng ka yone mme seo se dirile gore ba le bantsi ba ipotse gore a go na le mongwe yo o bopileng ditshedi.”

Dikgang Tse di Molemo Tse di Tswang Kwa Modimong!

“Re etela malapa a a mo lefelong la lona go bua le bone ka sengwe se se mo Baebeleng. Ba le bantsi ba re buileng le bone ba ipotsa gore ke eng fa Modimo a letla gore batho ba boge thata jaana. A o akanya gore boikaelelo jwa Modimo jwa kwa tshimologong e ne e le gore batho ba boge?” Mo letle a arabe. Ya kwa Thuto 5, bala le go tlotla ka dirapa tsa ntlha tse pedi mme o bale ditemana tse di kwadilweng ka mokwalo o o sekameng go tswa foo o mo tsamaisetse boroutšhara jono.