Dikai Tsa Dipuisano Tse di ka Dirisiwang

Go Simolola Dithuto Tsa Baebele ka Matlhatso wa Ntlha ka August

“Batho ba na le madumedi a a farologaneng e bile ba obamela Modimo ka ditsela tse dintsi tse di farologaneng. O akanya gore Modimo o ikutlwa jang ka seo? [Mo letle gore a arabe.] Ela tlhoko gore Jesu o ne a ruta eng ka kgang eno.” Neela mong wa ntlo khopi ya Tora ya Tebelo ya August 1 mme o bale le go tlotla le ene ka tshedimosetso e e ka fa tlase ga setlhogwana sa ntlha se se mo tsebe 16 o bo o bala le ene bobotlana temana e le nngwe. Mo tsamaisetse dimakasine mme o bo o dira dithulaganyo tsa go boa gore lo tle go tlotla ka karabo ya potso e e latelang.

Tora ya Tebelo August 1

“A bana ba tshwanetse go rutwa ka Modimo fa ba sa ntse ba le bannye kgotsa a go botoka go leta go fitlha ba godile mme o ba letle go itlhophela tumelo ya bodumedi e ba e batlang? [Mo letle gore a arabe.] Ela tlhoko gore Baebele e laela borre gore ba dire eng. [Bala Baefeso 6:4.] Makasine ono o neela batsadi dintlha dingwe tse di ka ba thusang gore ba ka ruta bana ba bone jang ka Modimo.”

Tsogang! August

“Nka rata go utlwa gore o akanya eng ka temana eno. [Bala 1 Samuele 16:23.] Go ya ka temana eno, mmino o maatla. A o akanya gore go a kgonega gore dipina dingwe di nne le tlhotlheletso e e sa siamang? [Mo letle gore a arabe.] Makasine ono o tlotla ka dintlha tse di ka re thusang go tlhopha mmino ka botlhale le kafa re ka thusang bana ba rona ka teng gore le bone ba dire jalo.”