Dikai Tsa Dipuisano Tse di ka Dirisiwang

Go Simolola Dithuto Tsa Baebele ka Matlhatso wa Ntlha ka July

“Mo dingwageng tsa bosheng jaana, batho ba le bantsi ba ntse ba kgatlhegela baengele. A o akanya gore go na le baengele? [Mo letle gore a arabe.] Utlwa se se buiwang fano.” Naya mong wa ntlo makasine wa Tora ya Tebelo ya July 1, lo bo lo tlotla ka dintlha tse di ka fa tlase ga setlhogwana sa ntlha se se mo go tsebe 16 lo bo lo bala bobotlana lekwalo le le lengwe. Mo neye dimakasine, o bo o rulaganya go boa le tla go tlotla ka potso e e latelang.

Tora ya Tebelo July 1

Bala Pesalema 65:2. O bo o re: “Batho ba le bantsi ba dumalana le seno, gore Modimo ke “Moutlwi wa dithapelo,” e bile ba rapela letsatsi le letsatsi. Mme ba bangwe ba ipotsa gore, ‘Fa e le gore Modimo o teng, ke ka ntlha yang fa go na le mathata a le mantsi jaana mo lefatsheng?’ O akanyang? A go na le Modimo yo o utlwang dithapelo tsa rona? [Mo letle gore a arabe.] Makasine ono o tlotla ka dikarabo tse di tswang mo Baebeleng tsa potso eno: ‘Ke ka ntlha yang fa Moutlwi wa thapelo a letleletse pogo?’”

Tsogang! July

“Fa o ne o kgona go fetola sengwe mo lefatsheng la rona, o ne o ka fetola eng? [Mo letle gore a arabe.] Baebele e bontsha lebaka la go bo batho ba tlhaela mo dilong tse ba ka kgonang go di fitlhelela. [Bala Jeremia 10:23.] Makasine ono o tlhalosa se Modimo a ikaeletseng go se fetola.”