Go Tokafatsa Bokgoni Jwa Rona mo Bodireding—Go Fitlhelela Pelo o Dirisa Buka ya “Ipolokeng mo Loratong Lwa Modimo”

GORENG GO LE BOTLHOKWA: Batho ba tshwanetse go ithuta ka melaometheo ya ga Jehofa le go e ikobela gore ba kgone go mo obamela ka tsela e a e amogelang. (Isa 2:3, 4) Kgatiso ya bobedi e re e dirisang go ithuta le batho ka yone ya “Lorato Lwa Modimo,” e thusa baithuti ba Baebele go bona kafa melaometheo ya Modimo e ka ba thusang ka gone mo botshelong. (Bah 5:14) Re tshwanetse go leka go ba fitlhelela dipelo fa re ithuta le bone gore ba tlhotlheletsege go dira diphetogo mo matshelong a bone.—Bar 6:17.

SE O KA SE DIRANG:

• Baakanyetsa sentle, o akanyetsa se moithuti wa gago a se tlhokang. Itirele dipotso tse di tla mo thusang go ntsha maikutlo a gagwe ka se a se ithutang.—Dia 20:5; be 259

• Dirisa mabokose a a mo bukeng go thusa moithuti go bona melemo ya go dirisa melaometheo ya Baebele

• Thusa moithuti go dirisa segakolodi fa a dira ditshwetso, mme o se ka wa mo direla ditshwetso.—Bag 6:5

• Dirisa botlhale go bona gore ke melaometheo efe e moithuti a tlhokang go e dirisa mo botshelong jwa gagwe. Mo kgothatse ka lorato gore a dire diphetogo tse di tla bontshang gore o rata Jehofa.—Dia 27:11; Joh 14:31