“A re Tlhatlogeleng Kwa Thabeng ya ga Jehofa”

“Kwa bofelong jwa metlha”

Metlha e re tshelang mo go yone

“Thaba ya ntlo ya ga Jehofa”

Kobamelo ya ga Jehofa ya maemo a a kwa godimo

“Ditšhaba tsotlhe di tla ologela kwa go yone”

Ba ba amogelang kobamelo e e itshekileng ba kopana mmogo ka kutlwano

“Tlang, a re tlhatlogeleng kwa thabeng ya ga Jehofa”

Baobamedi ba boammaaruri ba laletsa ba bangwe go tla go obamela le bone

“O tla re ruta ditsela tsa gagwe, mme re tla tsamaya mo ditselaneng tsa gagwe”

Jehofa o tla dirisa Lefoko la Gagwe go re ruta le go re thusa go tsamaya mo ditselaneng tsa gagwe

“Ga ba kitla ba tlhola ba ithuta ntwa gape”

Isaia o ne a tlhalosa gore dibetsa tsa ntwa di tla dirisediwa go lema, a kaya gore batho ba ga Jehofa ba tla latelela kagiso. Ke dithulusu dife tse di neng di dirisiwa ka motlha wa ga Isaia?

“Ditšhaka tsa bone ba di dira magale a megoma”

1 Magale a megoma ke leino la mogoma le le epang mo mmung fa motho a lema. A mangwe a ne a dirilwe ka tshipi.—1Sa 13:20

“Marumo a bone ba a dira dikere tse di pomang”

2 Dikere tse di pomang e ka tswa e ne e le sekele e e nang le matshwaro a legong. Dikere tseno di ne di dirisediwa go kgaola dikalana tsa setlhare sa mofine.—Isa 18:5