Tlotlela ba Bangwe Se o Se Ithutileng

Re a itumela fa re ithuta Baebele, mme re ka itumela le go feta fa re tlotlela ba bangwe ka dilo tse re di ithutileng tse di dirang gore re atamalane le Jehofa. Diane 11:25 e a re: “Ope fela yo o lapolosang ba bangwe le ene o tla lapolosiwa.”

Go tlotlela batho ba bangwe dintlha tse re di ithutileng, go tla dira gore go nne motlhofo gore re di gopole le gore re di tlhaloganye botoka. Gape go dira jalo go a re itumedisa ka gonne dintlha tseo di tla ba tswela mosola.​—Dit. 20:35.

Leka seno: Mo bekeng e e tlang, batla mongwe yo o ka mmolelelang se o se ithutileng. O ka leka go bua le mongwe mo lelapeng, mo phuthegong, yo o berekeng le ene, yo o tsenang sekolo le ene, moagelani kgotsa mongwe yo o kopanang le ene mo tshimong. Mo tlhalosetse se o se ithutileng ka tsela e e motlhofo e bile o dirisa mafoko a gago.

Gopola: Fa o tlotlela batho ba bangwe se o se ithutileng, dira jalo ka boikaelelo jwa go ba kgothatsa, e seng go ba kgatlha.​—1 Bakor. 8:1.