INDONESIA
Go Ikobela Ditaelo go Bolokile Matshelo a Rona!
Blasius da Gomes
O TSHOTSWE KA 1963
O KOLOBEDITSWE KA 1995
DINTLHA KA GA GAGWE Mogolwane yo o neng a tlhokometse letsomane ka lorato fa go ne go tsogile dikgotlhang tsa bodumedi kwa Ambon, Maluku.
KA January 19, 1999, dikilometara di ka nna tharo gaufi le kwa ke neng ke nna teng, dikgotlhang magareng ga Bamoseleme le Bakeresete di ne tsa ya magoletsa. Seemo se ne se le maswe tota.a
Fa ke sena go tlhomamisa gore ba lelapa la me ba sireletsegile, ke ne ka founela baboledi ba bangwe ke ba tlhola. Ke ne ka ba kgothaletsa gore ba nne ba wetse makgwafo le gore ba tile mafelo a a kotsi. Moragonyana bagolwane ba ne ba etela dinku ba ya go di nonotsha ka Dikwalo le go di kgothaletsa gore di obamele mmogo ka ditlhotswana.
Ofisi ya lekala e ne ya re kgothaletsa gore re fuduse baboledi ba ba nnang mo mafelong a a kotsi, mme re ne ra fetisetsa taelo eno kwa malapeng a le mantsi. Mokaulengwe mongwe yo o neng a gana go fuduga o ne a bolawa ke segopa se se tlhometseng. Mme mongwe le mongwe yo o neng a ikobela taelo ya ofisi ya lekala o ne a falola.
a Dikhuduego tseno di ne tsa tswelela ka dingwaga di le pedi mo porofenseng ya Maluku mme di ne tsa dira gore batho ba le diketekete ba fuduge mo magaeng a bone.