Kgopolo E E mo Baebeleng

A Maria ke “Mmammodimo”?

“RE SENKA BOTSHABELO MO TSHIRELETSONG YA BOUTLWELOBOTLHOKO JWA GAGO TLHE MMAMODIMO; SE GANE GO REETSA MEKOKOTLELO YA RONA MO NAKONG E RE GO TLHOKANG KAYONE MME O RE DIBELE MO TATLHEGONG WENA YO O SEGO O LE NOSI.“

THAPELO e e ntseng jalo e sobokanya niai-kutlo a dimilionemilione tsa banna le basa-di ba ba ineetseng mo go Maria, mmaagwe Jesu Keresete. Go ya ka bone, ke mmè yo o molemo yo o ka nnang motsereganyi fa gare ga bone le Modimo mme ka tsela nngwe a ka dira gore a fetole tsela e a ka ba atlholang ka yone.

Lefa go ntsejalo, a tota gone Maria ke “Mma-modimo“?

Maria—O ne A le “Sego Thata“ mo Modimong

Kwantle ga pelaelo, Maria o ne a Ie “sego thata“—a le sego thata go gaisa mosadi ope fela yo o kileng a tshela. (Luke 1:28) Moengele Gaberiele o ne a iponatsha mo go ene mme a mo tlhalosetsa kafa a neng a tla nna sego ka teng. O ne a re: “Reetsa! O tla ima o bo o tsho la ngwana wa mosimane, mme o mmitse Jesu. O tla nna mogolo mme o tla bidiwa Morwa Mogodimodimo.“ Kgakgamatso eno e ne e tla direga jang? Gaberiele o ne a tswelela ka go re: “Moya o o Boitshepo o tla fologela mo go wena . . . le maatla a Mogo dimodimo a tla go apesa ka moriti wa one. Ka jalo ngwa na o tla nna boitshepo mme o tlabidiwa MorwaModimo.’“—Luke 1:31,32,35, The Jerusalem Bible.

“Maria o ne a re: ’Ke lelata la Morena, mma go ntirafalele kafa o buileng ka teng.““ (Luke 1: 38, JB) Ka jalo, ka boikokobetso Maria o ne a amogela kaelo ya bomodimo mme ka nako e e beilweng a tshola Jesu.

Lefa go ntse jalo, mo makgolong a sekae a dingwaga a a neng a latela, batho ba ba mo ratang ba ne ba mo tlotlomatsa go tswa mo maemong a a kwa tlase a go nna “lelata la Morena“’ go mo dira “mma mohumagadi“ yo o nang le taolo e kgolo kwa legodimong. Baeteledipele ba kereke ba ne ba simolola go mmitsa “Mmamodimo’“ semolao ka 431 C.E. kwa Lekgotleng la Efeso. Ke eng se se neng sa dira gore go nne le phetogo eno? Mopapa John Paul 11 otlhalosa lengwe la mabaka a teng jaana: “Boineelo jwa boammaaruri go Mmamodimo . . . go simologile thata mo Masaitsiweng a Tharonngwe e e Segofaditsweng.“—Crossing the Threshold ofHope.

Ka gone, go dumela fa Maria e le “Mmamodimo“ go ikaegile ka go dumela Tharonngwe. Lefa go ntse jalo. a Tharonngwe ke thuto e e tswang mo Baebeleng?a* Tsweetswee sekaseka se moaposetoloi Petere a neng a se kwala mo Baebeleng. O ne a tlhagisa gore “baruti ba maaka  . . . ba tla kukunela ba simoiola dithuto tsa maaka tse di kotsi [e bile] le lona ba tla leka go lo senya ka dikganetsano tse di sokameng.“ (2 Petere 2: 1,3, The New Testament in Modern English, ya ga J. B. Phillips) Nngwe ya dithuto tseo tsa maaka ke thuto ya Tharonngwe. Morago ga gore thuto eno e dumelwe, go ilwe ga simololwa go dumelwa gore Maria ke “Mmamodimo“ (Segerika: Theotokos, mo go kayang “Mmelegamodimo“). Mo bukeng ya gagwe ya The Virgin, Geoffrey Ashe o bolela gore “fa e le gore Keresete ke Modimo, ke Motho wa Bobedi wa Tharonngwe,“ jaaka fa Badumelatharonngwe ba bolela, “he mmaagwe wa motho e ne e le Mmamodimo.“

Fa e le gore Jesu ke “Modimo ka bogotlhe le ka botlalo“ jaaka fa Catechism of the Catholic Church e ntšha e bolela, he Maria o ne a ka bidiwa ka tshwanelo go twe ke “Mmamodimo.“ Lefa go ntse jalo, re tshwanetse go bolela gore, Badumelatharonngwe ba bogologolo ba ne ba go fitlhela go le thata go dumela thuto eno fa e ne e simologa—fela jaaka go ntse jalo ka Badumelatharonngwe ba Baporotesetanta gompieno. E ile ya bidiwa gore ke “kgang e e lebegang e ikganetsa ya kobamelo, ’ene yo magodimo a sa mo lekanang o ne a tsena mo popelong ya mosadi.’“ (The Virgin)—Bapisa 1 Dikgosi 8:27.

A mme gone Jesu Keresete ke “Modimo ka bogotlhe le ka botlalo“? Nnyaa, ga a ise a ko a bolele jalo. Go na le moo, ka metlha o ne a bolela gore o mo maemong a a kwa tlase ga a ga Rraagwe.—Bona Mathaio 26:39; Mareko 13:32; Johane 14:28; 1 Bakorinthe 15:27, 28.

’Go Obamela ka Tsela e e Tshwanelang Batho ba ba Akanyang’

Lefa go ntse jalo, Baebele e kgothaletsa Bakeresete go dirisa bokgoni jwa bone jwa go akanya mo kobamelong. Ga go twe re dumele sengwe le sengwe se go tweng ke masaitsiweng. Go na Ie moo, moaposetoloi Paulo a re, re tshwanetse go ’obamela ka tsela e e tshwanelang batho ba ba akanyang.’—Baroma 12:1, JB.

Anne yo o godisitsweng e le Mokatoliki o bolela jaana: “Ga re ise re ko re kgothalediwe go akanya ka gone. Ga re ise re ko re sekaseke gore a ke boammaaruri. Re ne ra dumela fela gore Jesu ke Modimo, ka jalo Maria e ne e le ’Mmamodimo’—ga re ise re ko re sekaseke tumelo eno!“ Gakologelwa, Catechism of the Catholic Church e bolela gore mongwe le mongwe wa “Seoposengwe sa bomodimo“ ke “Modimo ka bogotlhe le ka botlalo.“ E bolela gore ga se medimo e meraro e e kgaoganeng. A mme jaanong re tshwanetse go dumela gore e ne ya re fa disele tse di tshelang di ne di ntse di ikgaoganya mo popelong ya ga Maria, “Modimo ka bogotlhe le ka botlalo“ o ne a le mo teng ga leseanyana le mo kgweding ya ntlha ya go ima ga gagwe le neng la gola go nna boleele jo bo ka tshwarang halofo ya sentimetara le gore o ne a na le matlhonyana le ditsebenyana fela?

Se lebale gore moengele Gaberiele o ne a bolelela Maria gore ngwana wa gagwe o ne a tla bidiwa “MorwaMogodimodimo“ le “Morwa Modimo,“ e seng “Modimo Morwa.“ Tota e bile, fa e le gore Jesu e ne e le Modimo Mothatayotlhe, ke eng fa moengele Gaberiele a ile a se ka a dirisa lefoko le Badumelatharonngwe ba le dirisang gompieno—“Modimo Morwa“? Gaberiele ga a ka a dirisa lefoko leo ka gonne thuto eo ga e tswe mo Baebeleng.

Gone ke boammaaruri gore ga re kgone go tlhaloganya dilo tsotlhe tse Modimo a di diri leng. Lefa go ntse jalo, go tlhaloganya Dikwalo ka tsela e e tshwanetseng go re thusa gore re dumele gore Modimo Mothatayotlhe, Mmopi wa ditshedi tsotlhe, o ne a nna le maatla a go fetolela botshelo jwa Morwaawe yo o rategang e bong Jesu Keresete ka kgakgamatso mo popelong ya ga Maria morago ga moo a bo a dirisa maatla a Gagwe a a dirang kana moya o o boitshepo go le sireletsa go fitlha Maria e nna mmaagwe Jesu—Morwa Modimo.

Ee, Maria o ne a le sego thata go nna mmaagwe motho yo o neng a nna Keresete. Ga se gore re a mo tlontlolola fa re dumela se Baebele e se rutang—go akaretsa le pego e e bolelang tsela e Maria a neng a le boikokobetso ka yone—fa e gana gore re re ke “Mmamodimo.“

[Ntlha e e kwa tlase]

[Motswedi wa Setshwantsho mo go tsebe 30]

Museo del Prado, Madrid