Molomo wa Squid — LAEBORARI YA MO INTERNET

A o Ne o Tlhamilwe?

Molomo wa Squid

◼ Molomo wa squid o gakgamatsa baitsesaense. Ba ipotsa gore: ‘Go tla jang gore selo se se thata jaana se bo se le mo mmeleng o o se nang marapo? A go kopanngwa ga dilo tse di sa tshwaneng go ne go ka se dire gore dithishu di fele le go gobatsa squid?’

Ela tlhoko: Ntlhana ya molomo wa squid e thata mme karolo yotlhe ya one e boleta. Tsela e molomo wa sone o dirilweng ka yone—o o dirilweng ka chitin, metsi le poroteine—e fetoga ka bonya go tswa mo seemong sa go nna boleta go ya go sa go nna thata mo e leng gore squid se ka dirisa molomo wa sone se sa ikgobatse.

Porofesa Frank Zok wa Yunibesithi ya California a re, go ithuta ka molomo wa squid “go ka fetola tsela e baenjeniri ba akanyang ka yone malebana le go kopanya dilo tse di sa tshwaneng go dira didirisiwa tse di farologaneng.” Tsela e nngwe e ba ka dirisang mokgwa ono ke go dira ditokololo tsa maitirelo. Ali Miserez yo e leng mmatlisisi kwa go yone yunibesithing eo, o akanya gore “go ka dirwa ditokololo tsa maitirelo tse di tshwanang le tsela e molomo wa squid o dirilweng ka yone, gore di kgone go taologa jaaka lehihiri mo letlhakoreng le lengwe mme mo letlhakoreng le lengwe di le thata mme gone di ka se ka tsa fela fa motho a ntse a di dirisa.”

O akanya eng? A go sa tshwane ga molomo wa squid mo ntlhaneng le mo karolong yotlhe ya one go itiragaletse fela? Kgotsa a go ne go tlhamilwe?

[Metswedi ya Ditshwantsho mo go tsebe 9]