LAEBORARI YA MO INTERNET
Watchtower
LAEBORARI YA MO INTERNET
Setswana
š
  • ê š ô Ê Š Ô
  • BAEBELE
  • DIKGATISO
  • DIPOKANO
  • g17 no. 5 ts. 16
  • Popego ya Dikgapetla Tsa mo Lewatleng

Ga go na bidio mo karolong eno.

Tshwarelo, bidio eno ga e kgone go tlhaga.

  • Popego ya Dikgapetla Tsa mo Lewatleng
  • Tsogang!—2017
  • Tse di Tsamaisanang le Setlhogo Seno
  • Lenaane la Diteng
    Tsogang!—2017
  • Kgapetla ya Mollusk
    Tsogang!—2009
  • O ka Kgona go Ribolola Manontlhotlho a Tlhago
    Tsogang!—2002
  • Kgapetla ya Kgopa ya Scaly-Foot
    Tsogang!—2011
Bona Ditlhogo Tse Dingwe
Tsogang!—2017
g17 no. 5 ts. 16
Dikgapetla tsa mo lewatleng

A E TLHAMILWE?

Popego ya Dikgapetla Tsa mo Lewatleng

DITSHEDI tsa mo lewatleng di sirelediwa ke dikgapa tsa tsone gore di kgone go tshela mo maemong a a thata a boalo jwa lewatle. Tsela e dikgapetla tseno di sireletsang ditshedi tseno ka yone e tlhotlheleditse baenjenere go ithuta gore di bopegile jang ka gonne ba batla go dira dikoloi le matlo a a ka sireletsang batho.

Akanya ka seno: Baenjenere ba ne ba sekaseka mefuta e mebedi ya dikgapetla—o o phukaletseng le o e keteng o sediko.

Baenjenere ba lemogile gore makwapa a a ka fa ntle a kgapetla e e phukaletseng le tsela e kgapetla e e sediko e ithathelelang ka yone di dira gore di nonofe mme di kgone go emelana le sengwe le sengwe se se ka di utlwisang botlhoko. Tsela e dikgapetla tseno ka bobedi di bopegileng ka yone e dira gore fa sengwe se se maatla se di itaya, maatla ao a ye mo dikarolong tsa tsone tse di nonofileng mme seo se dira gore ditshedi tse di nnang mo dikgapeng tseno di se ka tsa gobala.

Gape babatlisisi ba ne ba tsaya dikgapetla tsa mmatota le tse di dirilweng ka motšhini wa maemo a a kwa godimo ba bo ba di bapisa go bona gore ke dife tse di kgonang go emelana le maatla a mantsi. Go ne ga lemogiwa gore dikarolo tse di raraaneng tsa dikgapetla tsa mmatota di di thusa go emelana le maatla a magolo go gaisa tse di dirilweng ka motšhine oo.

Makasine wa Scientific American o ne wa bua jaana ka patlisiso eno: “Fa o ka iphitlhela o kgweetsa koloi e e bopegileng jaaka kgapetla letsatsi lengwe, e tla bo e le ntle e bile e diretswe go sireletsa batho ba ba mo go yone.”

O akanyang? A popego ya dikgapetla tsa mo lewatleng e itlhagetse fela? Kgotsa a e tlhamilwe?

    Dikgatiso Tsa Setswana (1978-2026)
    Tswa
    Tsena
    • Setswana
    • Romela
    • Tse O ka Di Tlhophang
    • Copyright © 2025 Watch Tower Bible and Tract Society of Pennsylvania
    • Melawana ya Tiriso
    • Molawana wa Tshireletsego
    • Di-setting Tsa Websaete
    • JW.ORG
    • Tsena
    Romela