2. Ke Mang A Dirang Gore Re Sotlege? A Ke Rona Re Itshotlang?

Goreng go le Botlhokwa go Itse Karabo ya Potso Eno?

Fa e le gore ke rona re bakang pogo, go raya gore re ka kgona go fokotsa tsela e batho ba bogang ka yone gompieno.

Se o Ka Akanyang ka Sone

Batho ba baka pogo ka ditsela dife?

• 

  Go Sotliwa ga Batho.

  World Health Organization (WHO) ya re motho a le 1 mo bathong ba le 4 o sotliwa ka go itewa mo go setlhogo fa a tla a gola le gore mosadi a le 1 go tswa mo go ba le 3 o sotliwa ka go itewa kgotsa ka thobalano.

• 

  Go Tlhokafalelwa.

  Pego ya World Health Statistics ya 2018 e e gatisitsweng ke World Health Organization ya re: “Ka 2016 go ile ga bolawa batho ba ka nna 477 000.” Seno se akareletsa le ba- tho ba ba ka nnang 180 000 ba gongwe ba ka tswang ba ile ba bolawa mo dintweng ka ngwaga oo wa 2016.

• 

  Mathata a Botsogo.

  Mokwadi mongwe yo o bidiwang Fran Smith o ile a bua jaana mo makasineng wa National Geographic: “Batho ba le bantsi ba goga motsoko, mme motsoko o ka dira gore motho a tshwarwe ke malwetse a a ka bakang loso a a jaaka: bolwetse jwa pelo, seterouku, malwetse a mafatlha, bolwetse jwa makgwafo le kankere ya makgwafo.”

• 

  Go Tlhaola ba Bangwe.

  Moithuta tlhaloganyo mongwe yo o bidiwang Jay Watts a re: “Go humanega, go sa tseye ba bangwe sentle ka ntlha ya maemo a bone, go sotliwa ka ntlha ya lotso lwa gago kgotsa ka ntlha ya bong jwa gago, go fudusediwa mo lefelong le o sa le itseng le go rata go gaisa ba bangwe, go bakela batho kgatelelo mo maikutlong.”

  ITHUTE MO GO OKETSEGILENG

  Leba bidio e e reng Goreng Modimo a Ile a Bopa Lefatshe? mo jw.org.

Se Baebele e se Rutang

Batho gantsi ke bone ba dirang gore go nne le pogo.

Gantsi batho ba bogisiwa ke dipuso tse di ba gatelelang le tse di ba tshedisang botlhoko.

‘Motho o laotse motho yo mongwe go mo utlwisa botlhoko.’—MORERI 8:9.

Go boga go ka fokotsega.

Melaometheo ya Baebele e thusa batho go nna le botsogo jo bo siameng le go tshela le ba bangwe ka kutlwano.

“Pelo e e ritibetseng ke botshelo jwa setshedi sa senama, mme lefufa ke sebodu mo marapong.”—DIANE 14:30.

“A kgakalo yotlhe ya letlhoo le bogale le tšhakgalo le go goa thata le puo ya go kgoba di tlosiwe mo go lona mmogo le bosula jotlhe.”—BAEFESO 4:31.