Bontsha Ba Bangwe Lorato

Go Senyegile Kae

Go tlhaola ba bangwe ga e se selo se se itsamaelang fela. Fela jaaka go tsaya nako gore motho a fole, go ka tsaya nako gore mokgwa oo o tswe mo mothong. Ke eng se o ka se dirang gore o se ka wa tlhaola batho?

Molaomotheo wa Baebele

Ditshwantsho: 1. Monna wa Mo-Asia o bulela monna wa mothomontsho yo o tshwereng di khapa tsa kofi kgoro. 2. Monna wa mothomontsho o tliseditse batho ba a berekang le bone kofi go akaretsa le mosadi yole wa Mo-India.

“Aparang lorato, gonne ke sebofo se se itekanetseng sa kutlwano.”—BAKOLOSA 3:14.

Lekwalo leno le re ruta eng? Fa re direla batho ba bangwe dilo tse di molemo, seo se tla dira gore re utlwane le bone. Fa o rata batho ba bangwe, ga o kitla o ba tlhoa.

Se o Ka se Dirang

Ditshwantsho: 1. Mosadi wa Mo-India o tseisa mosadi mongwe yo o godileng wa Mo-Caucasus dilwana fa a palama di setepesi. 2. Mosadi wa Mo-Caucasus yo o godileng o tlisetsa moagelani wa gagwe dikuku.

Batla ditsela dingwe go bontsha batho ba ba tswang kwa dinageng tse dingwe gore o a ba rata. O ka nna wa leka go dira dilo tse di latelang:

Fa o ntse o bontsha ba bangwe gore o a ba rata ga o kitla o ba tlhaola

O ka nna wa ba direla sengwe se se molemo jaaka go ba bulela kgoro kgotsa go ba sutela gore ba nne fatshe fa lo palame bese.
Tlotla le bone le fa gone lo ka se ka lwa tlhaloganyana golo gongwe.
Nna pelotelele fa o sa tlhaloganye dilo dingwe tse ba di dirang.
O ba kgothatse fa ba go bolelela ka mathata a bone.