Matseno

A o tshwenngwa ke gore ditlhwatlhwa tsa dijo, diaparo le bonno di ntse di oketsega le go feta? A o tshwanelwa ke go bereka diura tse di oketsegileng e le gore o kgone go itshedisa? A o fetsa nako e nnye le ba lelapa la gago? Fa e le gore go ntse jalo, ditlhogo tse di mo makasineng ono wa Tsogang! di ka go thusa. Di na le dikakantsho tse di mosola tse di ka go thusang gore o itumele le gore o fokotse go tlhobaela. Setlhogo sa bofelo se bua ka tsholofelo ya gore dilo di tla siama mo nakong e e tlang mme tsholofelo eo e ka re gomotsa le gone jaanong.