Fa O Ne O Ka Kgona Go Tshelela Ruri—A O Ne O Tla Tlhopha go Dira Jalo?

Ruri o ka kgona go tshelela ruri mo lefatsheng la Paradaise, jaaka boroutšhara eno e bontsha sentle. Boikaelelo jwa Modimo kaga maemo a a ntseng jalo eleruri bo tla diragadiwa! Mme lefa go ntse jalo o tshwanetse wa tlhopha go tshelela ruri.

Jesu Keresete o rutile gore tlhopho eo e tshwanetse ya theiwa mo kitsong ya boammaaruri kaga Modimo. Boroutšhara eno e diretswe go go thusa gore o nne le kitso eo. O ka bona thuso e e oketsegileng mo Basuping ba ga Jehofa. Ba ka itumelela go go etela ka nako e e go siametseng kwa lefelong le le go siametseng. Mme fa e le gore o ka rata go nna le thuto ya mahala ya legae ya Bibela, o ka itsise seno ka go kwalela go Watch Tower, Private Bag X2067, Krugersdorp, 1740, kana o kwalele kwa atereseng e e tshwanetseng mo go tse di fa tlase fano.