Thuto 16

Tshwetso ya Gago ya go Direla Modimo

Ke eng se o tshwanetseng go se dira gore o tle o nne tsala ya Modimo? (1, 2)

O neela jang botshelo jwa gago mo Modimong? (1)

O tshwanetse wa kolobediwa leng? (2)

O ka dira jang gore o nne le nonofo ya go nna o ikanyega mo Modimong? (3)

1. Gore o tle o nne tsala ya Modimo, o tshwanetse gore o nne le kitso e e siameng ya boammaaruri jwa Baebele (1 Timotheo 2:3, 4), o dumele dilo tse o di ithutileng (Bahebere 11:6), o ikwatlhaele boleo jwa gago (Ditiro 17:30, 31) mme o bo o sokologe mo tseleng e o tshelang ka yone. (Ditiro 3:19) Morago ga foo, go rata ga gago Modimo go tshwanetse ga go tlhotlheletsa gore o ineele mo go ene. Seno se raya gore o tshwanetse gore o mmolelele o le nosi kwa bothokong ka thapelo gore o ineela mo go ene go dira go rata ga gagwe.—Mathaio 16:24; 22:37.

2. Fa o sena go dira boineelo mo Modimong, o tshwanetse gore o kolobediwe. (Mathaio 28:19, 20) Kolobetso e dira gore mongwe le mongwe a itse gore o ineetse mo go Jehofa. Ka jalo, go kolobediwa fela batho ba ba godileng sentle mo ba ka kgonang go dira tshwetso ya go direla Modimo. Fa motho a kolobediwa, mmele wa gagwe otlhe o tshwanetse go nwediwa mo metsing ka sebakanyana.a—Mareko 1:9, 10; Ditiro 8:36.

3. Fa o sena go dira boineelo, Jehofa o tla lebelela gore o tshelele tsholofetso ya gago. (Pesalema 50:14; Moreri 5:4, 5) Diabolo o tla leka go go thibela gore o se ka wa direla Jehofa. (1 Petere 5:8) Mme o atamele Modimo ka thapelo. (Bafilipi 4:6, 7) Ithute Lefoko la gagwe letsatsi le letsatsi. (Pesalema 1:1-3) Ngaparela phuthego. (Bahebere 13:17) Fa o dira dilo tseno tsotlhe, o tla nna le nonofo ya go nna o ikanyega mo Modimong. Ka gone o ka kgona go dira dilo tse Modimo a batlang gore o di dire goyagoile!

[Ntlha e e kwa tlase]