Iseraele le Mafelo A a E Dikologileng

JEHOFA o ne a raya Aborahame a re: ‘Tswa kwa Ure e e kwa Mesopotamia mme o ye kwa nageng e ke tla go e bontshang.’ Naga eo e ne e na le batho e bile e dikologilwe ke ditšhaba tse dingwe.—Ge 12:1-3; 15:17-21.

Fa batho ba Modimo ba tswa kwa Egepeto, ba ne ba itse gore ba ka nna ba kganelwa ke baba ba bone, ba ba jaaka “bagateledi ba Moabe.” (Ek 15:14, 15) Baamaleka, Bamoabe, Baamone le Baamore ba ne ba agile mo mafelong a Baiseraele ba neng ba feta mo go one fa ba ya kwa Lefatsheng le le Solofeditsweng. (Dip 21:11-13; Du 2:17-33; 23:3, 4) Mme Baiseraele ba ne ba tla kopana le ditšhaba tse dingwe tsa baba ba bone kwa nageng e Modimo a neng a ba e solofeditse.

Modimo o ne a re Baiseraele ba tshwanetse go ‘tlosa ditšhaba di le supa tse di nang le batho ba bantsi’—Bahite, Bagiregashe, Baamore, Bakanana, Baperise, Bahife le Bajebuse—ba ba neng ba tshwanelwa ke go senngwa. Boitsholo jwa bone bo ne bo tlhabisa ditlhong mme bodumedi jwa bone bo ne bo le makgapha. Medimo ya bone e ne e akaretsa le Baale (yo o neng a itsiwe ka dipilara tse di dirilweng ka letlapa tse di bontshang serwe sa bonna), Moleke (modimo o bana ba neng ba ntshiwa ditlhabelo mo go one) le modimo wa sesadi wa tsalo e leng Ashetorethe (Asetarete).—Du 7:1-4; 12:31; Ek 23:23; Le 18:21-25; 20:2-5; Baat 2:11-14; Pes 106:37, 38.

Ka dinako tse dingwe karolo yotlhe e Modimo a neng a e naya Baiseraele e ne e bidiwa “Kanana” go tloga kafa ntlheng ya bokone jwa Sidona go fitlha fa “mokgatšheng o o phothoselang wa Egepeto.” (Dip 13:2, 21; 34:2-12; Ge 10:19) Ka dinako tse dingwe Baebele e umaka maina a ditšhaba tse di farologaneng, metse kgotsa batho ba naga eo. Ditšhaba dingwe di ne di na le mafelo a e leng a tsone fela, jaaka Bafilisitia ba ba neng ba le kafa lotshitshing lwa lewatle le jaaka Bajebuse ba ba neng ba le gaufi le dithaba tsa Jerusalema. (Dip 13:29; Jos 13:3) Tse dingwe e ne ya re fa nako e ntse e tsamaya tsa fetola mafelo a di neng di nna mo go one.—Ge 34:1, 2; 49:30; Jos 1:4; 11:3; Baat 1:16, 23-26.

Go ka direga gore Baamore e ne e le bone ba e neng e le morafe o o nonofileng thata ka nako ya Khudugo ya Baiseraele go tswa kwa Egepeto.a (Du 1:19-21; Jos 24:15) Ba ne ba thopa naga ya Bamoabe e e ka kwa ntlheng ya borwa go ela kwa mokgatšheng o o phothoselang wa Arenone, le fa gone kgaolo e e kafa letlhakoreng le lengwe go tswa kwa Jeriko e ne e sa ntse e bidiwa ‘mabala a sekaka a Moabe.’ Dikgosi tsa Baamore di ne di busa le kwa Bashana le Gileade.—Dip 21:21-23, 33-35; 22:1; 33:46-51.

Le mororo Modimo a ne a eme Baiseraele nokeng, ga ba a ka ba tlosa ditšhaba tsotlhe tse di neng di atlholetswe gore di senngwe, tse e rileng fa nako e ntse e tsamaya tsa raela Baiseraele. (Dip 33:55; Jos 23:13; Baat 2:3; 3:5, 6; 2 Dikg 21:11) Ee, Baiseraele ba ne ba raelesega le mororo ba tlhagisitswe jaana: “Lo se ka lwa sala medimo e mengwe morago, medimo epe ya ditšhaba tse di lo dikologileng.”—Du 6:14; 13:7.

[Ntlha e e kwa tlase]

[Mmapa mo go tsebe 11]

(Go bona mokwalo o o feletseng, leba kgatiso)

Ditšhaba Tse di Tshwanetseng go Lelekwa Kwa Lefatsheng le le Solofeditsweng

FILISITIA (D8)

C8 Ashekelona

C9 Gasa

D8 Ashedoda

D8 Gathe

D9 Gerare

KANANA (D8)

B10 AAMALEKA

C12 Hasare-adare (Adara?)

C12 Kadeshe (Kadeshe-barenea)

D8 Lakishe

D9 Beere-sheba

D10 BAAMORE

D11 NEGEBE

E4 Dora

E5 Megido

E5 Taanake

E6 Afeka

E6 BAHIFE

E7 BAJEBUSE

E8 Bethe-shemeshe

E8 Heberone (Kiriathe-areba)

E9 BAHITE

E9 Debire

E10 Arada (wa Kanana)

E10 BAKENE

E11 Akarabime

F4 BAGIREGASHE

F6 Shekema

F7 BAPERISE

F7 Gilegala

F7 Jeriko

F8 Jerusalema

G2 BAHIFE

G2 Dana (Laishe)

G3 Hasore

FONIKIA (F2)

E2 Ture

F1 Sidona

EDOMA (F12)

F11 SEIRE

G11 Bosera

BAAMORE (SIHONE)

G6 GILEADE

G7 Shitime

G7 Heshebone

G9 Aroere

SIRIA (H1)

G1 Baale-gade

G2 BAHIFE

I1 Damaseko

MOABE (H10)

BAAMORE (OGE)

G6 GILEADE

H3 BASHANA

H4 Ashetarothe

H4 Ederei

AMONA (I7)

Raba

[Dikaka]

SEKAKA SA ARABIA

[Dithaba]

Thaba ya Karemele

Thaba ya Hore

Thaba ya Heremone

Thaba ya Nebo

[Metswedi ya metsi]

Lewatle la Mediterranean (Lewatle le Legolo)

Lewatle la Letswai

Lewatle la Galalea

[Dinoka le melapo]

M.P. wa Egepeto

Noka ya Joredane

M.P. wa Jaboke

M.P. wa Arenone

M.P. wa Serada

[Ditshwantsho mo go tsebe 10]

Kafa mojeng: Kgosi ya Baamore e bong Oge o ne a busa Bashana, e e neng e tumile ka dipoo le dinku tsa yone

Kafa tlase: Moabe, e lebagane le Lewatle la Letswai go ela kwa nageng ya Juda

[Setshwantsho mo go tsebe 11]

Jehofa o ne a laela Baiseraele gore ba leleke ditšhaba tse di obamelang medimo ya maaka, e e jaaka Baale, Moleke le modimo wa sesadi Ashetorethe (o o bontshiwang fano)