Jesu “mo Nageng ya Bajuda”

FA MOAPOSETOLOI Petere a ne a rerela Korenelio, o ne a bua ka se Jesu a neng a se dira “mo nageng ya Bajuda mmogo le mo Jerusalema.” (Dit 10:39) O akanya gore ke mafelo afe a a neng a akarediwa mo bodireding jwa ga Jesu jo bo neng bo le botlhokwa thata mo e leng gore bo ne jwa fetola le hisitori ya lefatshe?

‘Naga ya Bajuda’ e ne e akaretsa Judea, koo Jesu a neng a dira dingwe tsa ditiro tsa Modimo gone. (Lu 4:44) Fa Jesu a sena go kolobediwa o ne a nna malatsi a le 40 kwa nageng ya Juda (kgotsa, Judea), e e neng e le kgaolo e e omeletseng le e e swafetseng e dirukhutlhi le dinokwane di neng di rata go ya kwa go yone. (Lu 10:30) Moragonyana, Jesu o ne a ya kwa bokone a tswa kwa Judea fa a ne a rerela mosadi mongwe wa Mosamarea gaufi le Sikara.—Joh 4:3-7.

Go ya ka se re se bonang mo Diefangeleng re kgona go bona gore Jesu o ne a rera thata kwa Galalea. Le fa gone a ne a tle a ye kwa borwa jwa Jerusalema go keteka meletlo ya ngwaga le ngwaga, o ne a dirisa bontsi jwa nako ya bodiredi jwa gagwe jwa dingwaga tse pedi tsa ntlha mo karolong e e kwa bokone ya Lefatshe le le Solofeditsweng. (Joh 7:2-10; 10:22, 23) Ka sekai, o ne a tlhalosa dithuto tse dintsi tse di tlhomologileng a ba a dira dikgakgamatso tse di kgatlhang thata fa a ntse a le gaufi kgotsa a le mo Lewatleng la Galalea. Gakologelwa gore o ne a ritibatsa metsi a a neng a itirile sefefo a bo a tsamaya mo godimo ga one. O ne a rerela boidiidi jwa batho a le mo mekorong a le mo lotshitshing loo lo lo matlapa lwa lewatle. Balatedi ba gagwe ba ntlha, le ba ba neng ba le gaufi thata le ene e ne e le batshwaraditlhapi le balemirui ba ba tswang mo mafelong a a fa gaufi le fano.—Mar 3:7-12; 4:35-41; Lu 5:1-11; Joh 6:16-21; 21:1-19.

Fa Jesu a ne a dira bodiredi jwa gagwe kwa Galalea, lefelo le a neng a direla thata mo go lone le ne le le gaufi le losi lwa Kaperenama “mo motseng wa gagabo.” (Mat 9:1) O ne a le mo thotaneng e e seng kgakala thata le fano fa a ne a neela Thero ya gagwe e e tumileng ya mo Thabeng. Ka dinako tse dingwe o ne a tsamaya ka mokoro go tswa kwa kgaolong ya Kaperenama go ya kwa Magadana, Bethesaida, kgotsa kwa mafelong a mangwe a a fa gaufi.

Ela tlhoko gore ‘motse wa gagabo’ Jesu o ne o se kgakala thata le Nasaretha, kwa a neng a golela gone; o ne o se kgakala thata le Kana, kwa a neng a fetola metsi go nna beine gone; o ne o se kgakala thata le Naina, kwa a neng a tsosa morwa wa motlholagadi mongwe gone; e bile o ne o se kgakala thata le Bethesaida, kwa a neng a fepa banna ba le 5 000 ka kgakgamatso gone a bo a fodisa monna mongwe yo o neng a foufetse.

Morago ga Tlolaganyo ya 32 C.E., Jesu o ne a ya kwa bokone go ela kwa Ture le Sidona, e leng mafelo a e neng e le boemakepe jwa kwa Fonikia. Go tswa foo o ne a atolosetsa bodiredi jwa gagwe kwa metseng mengwe e e fetotsweng go nna ya Gerika e e bidiwang Dekapolise. Jesu o ne a le gaufi le Kaesarea Filipi (F2) fa Petere a ne a bolela gore ke Mesia, mme ka bonako morago ga moo a fetolwa ponalo, e leng selo se gongwe se diragetseng mo Thabeng ya Heremone. Moragonyana, Jesu o ne a rera kwa kgaolong ya Perea, go kgabaganya Joredane.—Mar 7:24-37; 8:27–9:2; 10:1; Lu 13:22, 33.

Beke ya bofelo ya ga Jesu a le mo lefatsheng o ne a e dirisa a na le barutwa ba gagwe a le mo Jerusalema, e e leng “motse wa Kgosi e kgolo,” le mo mafelong a a gaufi le yone. (Mat 5:35) O ka kgona go bona mafelo a a gaufi a o badileng ka one mo Diefangeleng, a a jaaka Emao, Bethani, Bethefage le Bethelehema.—Lu 2:4; 19:29; 24:13; bona “Lefelo la Jerusalema” mo setshwantshong se se mo tsebeng 18.

[Mmapa mo go tsebe 29]

((Go bona mokwalo o o feletseng, leba kgatiso)

Lefatshe le le Solofeditsweng (Motlha wa ga Jesu)

Lefatshe mo Motlheng wa ga Jesu

Metse ya kwa Dekapolise

E5 Hippo

E6 Pela

E6 Sithopolise

F5 Gadara

F5 Gerasa

G5 Dione

G9 Filadelefia

H1 Damaseko

H4 Rafana

I5 Kanatha

Ditsela Tse Dikgolo (Leba kgatiso)

Tsela e e Tlwaelegileng fa Gare ga Galalea le Jerusalema(Leba kgatiso)

Tsela e Nngwe e e fa Gare ga Galalea le Jerusalema, go Ralala Perea (Leba kgatiso)

A11 Gasa

B6 Kaesarea

B8 Jopa

B9 Lida

B12 Beere-sheba

C4 Petolomai

C8 SAMAREA

C8 Antipaterisi

C8 Arimathea

C9 Emao

C10 JUDEA

C11 Heberone

IC12 DUMEA

D1 Sidona

D2 Ture

D3 FONIKIA

D4 GALALEA

D4 Kana

D5 Sepphoris

D5 Nasaretha

D5 Naina

D7 Samarea

D7 Sikara

D9 Eferaime

D9 Bethefage

D9 Jerusalema

D9 Bethani

D10 Bethelehema

D10 Herodiamo

D10 NAGA YA JUDA

D12 Masada

E4 Korasina

E4 Bethesaida

E4 Kaperenama

E4 Magadana

E5 Tiberia

E5 Hippo

E6 Bethani (go kgabaganya Joredane)

E6 Sithopolise

E6 Pela

E6 Salima

E6 Aenone

E9 Jeriko

F1 ABILENE

F2 Kaesarea Filipi

F4 Gamala

F5 Abila?

F5 Gadara

F7 PEREA

F7 Gerasa

G3 ITUREA

G5 Dione

G6 DEKAPOLISE

G9 Filadelefia

H1 Damaseko

H3 TERAKONITI

H4 Rafana

H12 ARABIA

I5 Kanatha

[Dithaba]

D7 Thaba ya Ebale

D7 Thaba ya Gerisime

F2 Thaba ya Heremone

[Metswedi ya metsi]

B6 Lewatle la Mediterranean (Lewatle le Legolo)

E4 Lewatle la Galalea

E10 Lewatle la Letswai (Lewatle le le Suleng)

[Dinoka]

E7 Noka ya Joredane

[Metswedi le didiba]

D7 Motswedi wa ga Jakobe

[Setshwantsho mo go tsebe 28]

Lewatle la Galalea. Kaperenama e kafa ntlheng ya molema kwa pele. Setshwantsho se tserwe go tswa kwa ntlheng ya borwabophirima go kgabaganya Lebala la Genesareta

[Setshwantsho mo go tsebe 28]

Basamarea ba ne ba obamela mo Thabeng ya Gerisime. Ka kwa morago ke Thaba ya Ebale