KAROLO 13

Re Tshwanetse go Dira Eng Gore re Itumedise Modimo?

Tila go dira bosula. 1 Bakorintha 6:9, 10

Dilo tse Modimo a di tlhoileng—go utswa, botagwa, go dirisa diokobatsi ka tsela e e sa tshwanelang, go lwa, go rapela ditshwantsho le go obamela medingwana

Fa re rata Jehofa, ga re na re dira dilo tse a di tlhoileng.

Jehofa ga a batle gore re utswe, re tagwe kgotsa re dirise diokobatsi ka tsela e e sa tshwanelang.

Modimo o tlhoile go bolaya, go senya mpa le go ratana ga batho ba bong jo bo tshwanang. Ga a batle gore re nne pelotshetlha kgotsa re lwe le ba bangwe.

Ga re a tshwanela go obamela medingwana kgotsa go ikamanya le tirisabadimo.

Mo lefatsheng le le tlang la Paradaise, go tla bo go se na batho ba ba dirang dilo tse di bosula.

Dira se se molemo. Mathaio 7:12

Dilo tse Modimo a di itumelelang—go rata ba bangwe, go ikanyega le go itshwarela ba bangwe

Gore re itumedise Modimo, re tshwanetse go leka go tshwana le ene.

Bontsha ba bangwe lorato ka go nna pelonomi le go nna pelotshweu.

Ikanyege.

Nna pelotlhomogi o bo o itshwarele.

Basupi ba ga Jehofa ba babedi ba rerela monna mongwe

Bolelela ba bangwe ka Jehofa le ditsela tsa gagwe.—Isaia 43:10.