Matseno a Karolo 12

Jesu o ne a ruta batho ka Bogosi jwa kwa legodimong. Gape o ne a ba ruta gore ba rapelele gore leina la Modimo le itshepisiwe, gore Bogosi jwa gagwe bo tle le gore thato ya gagwe e dirwe mo lefatsheng. Fa e le gore o motsadi, tlhalosetsa ngwana wa gago bokao jwa thapelo eno. Satane o ne a palelwa ke go raela Jesu. Jesu o ne a tlhopha baaposetoloi ba gagwe mme e ne ya nna bone ba ntlha go nna karolo ya Bogosi joo. Tlhalosa tsela e Jesu a neng a rata kobamelo ya boammaaruri ka yone. Jesu o ne a fodisa batho, a ba fa dijo le go tsosa ba ba suleng ka gonne a ne a batla go ba thusa. Dikgakgamatso tse a neng a di dira di re bontsha se Bogosi bo tlileng go se direla batho.