Go Lekwa le go Feferwa mo Metlheng ya Segompieno

“E mañ eo o ka ichōkèlañ motlha oa go tla ga gagWè? me e mañ eo o tla èmañ mogañ o bōnalañ?”—MALAKI 3:2.

1. Fa Jehofa a ne a tla mo templeng ya semoya mo metlheng ya segompieno, o ne a fitlhela eng, mme go tsosa dipotso dife?

FA ‘MORENA wa boammaaruri’ a ne a tla mo tempeleng ya semoya a patilwe ke “moroñwa (wa gagwe) oa kgōlaganō, ” moragonyana fela ga go tlhomiwa ga Bogosi kwa legodimong ka 1914, Jehofa o ile a lemoga eng? Batho ba gagwe ba ne ba tlhoka go itshekisiwa le go phepafadiwa A ba ne ba tla ikobela le go itshokela phepafatso epe e e tlhokafalang ya phuthego ya bone, tiro ya bone, thuto ya bone, le boitshwaro jwa bone? Jaaka Malaki a bua: “E mañ eo o ka ichōkèlañ motlha oa go tla ga gagwè? me e mañ eo o tla èmañ mogañ o shōnalañ?”—Malaki 3:1, 2.

2. Mo metlheng ya segompieno, “bomorwa Lefi” ba ga Malaki 3:3 ke bomang?

² Jehofa o amogela boikarabelo jwa go phepafatsa le go itshekisa “bomorwa Lefi.” (Malaki 3:3) Mo lseraleng wa bogologolo, go ne go tsewa baperisiti le badiri ba tempele mo lotsong lwa Lefi. “Bomorwa Lefi” bao ba tshwana le setlhopha sa ba ba tloditsweng gompieno ba ba direlang jaaka baperesiti kafa tlase ga ga Jesu, Moperesiti yo Mogolo. (1 Petere 2:7-9; Bahebera 3:1) Ke bone bao ba ileng ba lekwa lantlha fa Jehofa a ne a tla mo tempeleng ya semoya le “moroñwa [wa gagwe] oa kgōlaganō.” Jaanong, ke bosupi bofe jo bo leng gone jwa gore go itshekisa mo go ne ga nna gone fa e sale Ntwa ya Lefatshe I e fela go ya pele?

Motlha wa Diteko Tse di Boitshegang

3. Ka selemo sa 1918, boemo jwa Basupi ba ga Jehofa e ne e le bofe?

³ Fa Jehofa a ne a pata “moroñwa [wa gagwe] oa kgōlaganō” go ya kwa tempeleng ya semoya, O ne a fitlhela masalela a tlhoka go itshekisiwa le go phepafadiwa Ka sekai, Tora ya Tebelo e ne e kile ya kgothaletsa babadi ba yone go tlotla May 30, 1918, go rapelela phenyo ya mebuso ya puso-ka-batho, jaaka palamente ya U.S. e ne e kopile gammogo le Tautona Wilson. Seno se ne sa dira gore go tlhokomologiwe boitlhaodi jwa Bokeresete.—Yohane 17:14, 16.

4. Ke eng se se ileng sa nna gone mabapi le go bogisiwa ga batlhanka ba ga Jehofa?

⁴ Baruti le mebuso ba ne ba tlisa kgatelelo e kgolo mo batlhankeng ba ga Jehofa ba ba tloditsweng Fa ba ne ba bonwa molato wa botsuolodi ka mo go sa tshwanelang, masalela ba ne ba leka go dira gore go tlhoka molato ga bone go itsege phatlalatsa. Lefa go ntse jalo, ka May 7, 1918, dipampiri di ne tsa ntshiwa gore go tshwarwe maloko a roba-bobedi a baeteledipele le barulaganyi ba Watch Tower Bible and Tract Society, go akareletsa le mookamedi, J. F. Rutherford Tsheko ya bone e ne ya simolola ka Mosupologo, June 3. Ka June 20 basekaseka-dikgetsi ba ne ba ba bona molato mo makgetlong a le mane. Ka July 4, 1918, banna bano ba Bakeresete ba ba ineetseng ba ne ba isiwa ka terena kwa kgolegelong e e mo Atlanta, Georgia, U.S.A.

5. Go ne ga supega jang gore go ne go tlhokafala go feferwa gareng ga bao ba direlang Modimo, mme ke eng se se bontshang gore seno se ne sa nna gone?

⁵ Ka selemo sa 1918, thero ya phatlalatsa e e neng e le maatla ya Bogosi jwa ga Jehofa e e neng e dirwa ke masalela e ne ya fokotsega thata. E ne ekete ba ‘bolailwe’ mabapi le tiro ya bone ya phatlalatsa. (Tshenolō 11:3, 7) Ka nako ya dikopano tsa Mokgatlho mo selemong seo, batenegi bangwe ba ne ba hulara mme ba itirela ditlhopha tsa bone tsa bodumedi tse di ganetsang. Ka go bontsha dikai tsa “motlhanka . . . eo o boshula,” ba ne ba ‘olosiwa’ jaaka “mmoko” ba ntshiwa mo masaleleng a ga Jehofa a a ikanyegang. (Mathaio 3:12; 24:48-51) Segopotso sa loso lwa ga Keresete se ne sa ketekwa ka Sontaga, April 13, 1919, ke batho ba le 17 961 mo mafatsheng a le mantsi. Fa go tshwantshwanngwa le pego e e sa felelang ya 1917, ba ba neng ba le teng ba ne ba fokotsegile ka ba ba fetang 3 000, e le sesupo sa diphelelo tsa go feferwa.

6. Go letlelela diteko tse di ntseng jalo ga ga Jehofa go ile ga felela ka masego afe mo bathong ba gagwe?

⁶ Lefa go ntse jalo, go letlelela diteko tse di boitshegang tseo ga ga Jehofa go wela batho ba gagwe e ne e le ka maikaelelo a go ba segofatsa kwa bofelong. Ga a ise a ke a ba tlogele gotlhelele. Ka Labobedi, March 25, 1919, J. F. Rutherford le ditsala tsa gagwe tse supa ba ne ba ntshiwa mo kgolegelong go letela tsheko ka kwantle mme morago ba ne ba gololwa gotlhelele. Ka tshoganetso, bafalodi ba motlha ono wa go lekwa, ba ne ba gololesega mo botshwarong! Ee, “mōea oa botshelō o o cwañ Modimoñ oa tsèna mo go bōnè, me ba èma ka dinaō,” ba iketleeleditse go tsena mo tirong.—Tshenolō 11:11.

7. (a) Basupi bano ba ba tsosolositsweng ba ne ba dira eng jaanong? (b) Ke eng se se neng sa nna matswela a go itshekisa le go phepafatsa mo?

⁷ Jaanong ba ne ba tla dira eng? Jaaka morafe wa Bakeresete o o tsosolositsweng, masalela ba ne ba itlhatlhoba. Ba ne ba rapela Jehofa gore a ba itshwarele dibe dipe tsa go bo ba ile ba mo itatola. (Bapisa Pesalema 106:6; Isaia 42:24.) Ba ne ba tswelelapele jaaka batho ba ba phepafaditsweng ka ntlha ya go bo ba itshekisitswe, masalela a ba ba dipelo di ikanyegang ‘ba ne ba nna batho ba ba isang tshupelo ya tshiamo kwa go Jehofa.’ (Malaki 3:3) Ditlhabelo tsa semoya tsa kgalaletso tse ba neng ba di isa di ne tsa itumedisa Modimo. (Bahebera 13:15) Ba ne ba ipelela gore sebaka se se khutshwane sa bogale jwa ga Jehofa se ne se fetile. Ba ne ba na le tumelo ya gore o ne a tla amogela tirelo ya bone ya isagwe. (Isaia 12:1) Go tswa ka September 1 go ya go 8, 1919, go ne ga nna le kopano ya boitumelo e e neng e tshwaretswe kwa Oedar Point, Ohio, go ne ga nna teng batho ba le 7 000 mme ba le 200 ba kolobediwa. Gotlhe mo go ne go supa go tsosolosiwa le go iketleeletsa go dira tiro ya ga Jehofa ya go rera.

8. (a) Tiro ya go itshekisa le go phepafatsa e re ama jang gompieno? (b) Mo godimo ga “bomorwa Lefi” ba motlha wa segompieno, ke bomang gape ba ba tshwanetseng go lekwa le go feferwa?

⁸ Gotlhe mo go ama jang batho ba Modimo ba ba tshelang gompieno? Go ya ka boperofeti, Jehofa, a patilwe ke morongwa wa gagwe, o ne a tla tla le go “dula yaka moitshekisi le montlahatsi.” (Malaki 3:3) Ee, tiro ya go itshekisa le go phepafatsa e ne e tla tswelela, mme o ne a tla “dula” le go elatlhoko. Lebaka la go bo masalela a a ikanyegang a ile a falola nako ya diteko tse di boitshegang kwa tshimologong ya lekgolo leno la dingwaga le ne le sa reye gore Moitshekisi yo Mogolo o ne a feditse go phepafatsa. Go lekwa le go feferwa go tsweletse go fitlha mo motlheng wa rona. Jehofa o santse a le kwa tempeleng ya gagwe, o ntse a atlhola. O ntse a ntlafatsa e seng fela “bomorwa Lefi,” masalela a a tloditsweng Boperofeti jwa ga Malaki bo ne jwa bontsha kamego ya Gagwe ka “moeñ,” yo o tshwanang le “boidiidi yo bogolo,” jo tsholofelo ya jone e leng botshelo jwa selefatshe. (Malaki 3:5; Tshenolō 7:9, 10) Ee, mo dingwageng tse 69 tse di fetileng, go ile ga nna le go ntlafadiwa mo go tsweletseng-pele ga batho ba ga Jehofa mo ditseleng di le nne tse dikgolo.

Go Itshekisiwa ga Phuthego

9. Go nnile le ditokafatso dingwe dife tsa megopolo e mesha mo popegong ya phuthego fa e sale ka 1919?

⁹ Lantlha, phepafatso e ne ya nna gone ka go go nna go dumalanngwa phuthego ya lefatshe lotlhe le melao-metheo ya Dikwalo e e sa tswang go tlhaloganngwa Go ne go tshwanetse go nna go beelwa kwa thoko ka monokela ditsela tsa go tsamaisa dikgang tsa phuthego ka pudimotlhala. Elatlhoko dingwe tsa ditiragalo ka go tlhatlologana mo ntlheng eno.

1919: Go kgetha ga Setlhopha se se Laolang go ne ga simologa ka go tlhomiwa ke ba ntlo-kgolo ya Watch Tower Society ga mokaedi wa tirelo yo o nnetseng ruri wa phuthego nngwe le nngwe go tlhokomela ditiro tsa tirelo ya tshimo.

1932: Go tlhophiwa ga ngwaga le ngwaga ga bagolwane le batiakone go ne ga fedisiwa; go tlhophiwa ke phuthego ga banna ba maemo ano go ne ga emisediwa ka go tlhophiwa ke komiti ya tirelo e thusa mokaedi wa tirelo yo o tlhophilweng ke Mokgatlho (ebile a le mo go yone).

1937: Go ne ga lemogiwa gore “bo-Jonadabe” [bao ba nang le tsholofetso ya selefatshe] ba ka nna ba nna le maemo a boikarabelo mo phuthegong.

1938: Balebedi botlhe le bathusi ba bone ba ne ba tshwanetse go kgethiwa ke Mokgatlho ka tsela ya bolegodimo

1972: Go ne ga phepafadiwa gore mokgwa wa Dikwalo wa go laola phuthego nngwe le nngwe e ne e se ka monna wa Mokeresete a le mongwefela yo o nonofileng mme mo boemong jwa moo ke ka setlhopha sa bagolwane jaaka se kgethilwe ke Mokgatlho.

1975: Go tlhomiwa ga dikomiti tsa Setlhopha se se Laolang go tlhokomela maikarabelo a a farologaneng; dikgang di ne di se kitla di laolwa ke monna a le mongwefela, le e leng mo teng ga komiti, mme botlhe ba ne ba tla reediwa ka go lekalekana, mme ka bongwefela jwa pelo ba ne ba tla lebelela kwa boeteleding-pele jwa ga Jesu Keresete ka kutlwano.

10. (a) Ke eng se se ileng sa nna gone ka ntlha ya go itshekisa moo? (b) O ikutlwa jang ka dipaakanyo tsotlhe tseno?

¹⁰ Matswela a dipaakanyo tseo e ne ya nna afe? Tshegofatso ya ga Jehofa kwantle ga pelaelo e ile ya nna kgolo, jaaka go supiwa ke go gola ga semoya le palo ya baobamedi ba gagwe. (Bapisa Ditihō 6:7; 16:5.) Ke boammaaruri, balebedi bangwe le batho bangwe ba ile ba feferelwa kwantle ka ntlha ya go sa ikobe ka boikanyego mo tseleng e e laolwang ke Modimo. Lefa go le jalo, bontsi-ntsi jwa batho ba Modimo ba ile ba itshupa ba le kutlo le boikobo mo dipaakanyong tsa phuthego (Bahebera 13:17) Ba tlhaloganya gore ka dipaakanyo tseo Moitshekisi yo mogolo o ba thusitse go dumalana fela thata le mekgwa ya Dikwalo ya diphuthego.

Bodihedi jwa Tshimo

11. Ke mefuta efe ya megopolo e mesha e tiro ya go rera e ileng ya nna le yone mo masomeng a dingwaga a bosheng?

¹¹ Sa bobedi, phepafatso e ile ya nna gone mo go lekiweng mabapi le go tlhakanela mo bodiheding jwa tshimo.

1922: Bakopanedi botlhe ba diphuthego ba ne ba kgothalediwa go tlhakanela mo tirelong ya tshimo ya ntlo le ntlo. Bulletin ya kgwedi le kgwedi (e jaanong e bidiwang Tirelo ya Rona ya Bogosi) e e nang le dikaelo tsa tirelo e ile ya nna gone.

1927: Go rerwa ga ka metlha ga ntlo le ntlo ka bo-Sontaga go ne ga simologa; dibuka le dibukana di ne tsa tsamaisiwa ka moneelo.

1937: Bukana ya ntlha ya Model Study ya dithuto tsa Bibela tsa magae.

1939: Tlhabano ya ntlha ya peeletso ya Tora ya Tebelo ya ngwaga e ne ya nna gone; dipeeletso tse disha di feta 93 000 di ne tsa bonwa.

1940: Tiro ya dimakasine ya mmila e ne ya simologa

Go rera phatlalatsa mo go ne ga nna le mefuta e mengwe ya botswelelo-pele, go akaraletsa go dira dipoelo le go kgweetsa dithuto tsa Bibela tsa magae.

12. (a) Matswela e ile ya nna afe a diphepafatso tsa go nna jalo tsa bodihedi jwa tshimo? (b) Re ka bontsha jang boikanyegi jwa rona mo tseleng e Jehofa a phepafaditseng batho ba gagwe ka yone?

¹² Matswela e ile ya nna eng? Fa dingwaga di ntse di ya bangwe ba ile ba feferelwa kwantle ka ntlha ya go bo ba ne ba sa ikaelela go nna Bakeresete ba ba ungwang. (Yohane 15:5) Lefa go le jalo, kwantle ga pelaelo bontsi jwa batho ba ga Jehofa ba ile ba arabela sentle mo pitsong ya bareri ba Bogosi. Ee, setlhopha se sennye seo sa ba ba neng ba le kwa tlase ga 8 000 bogologolo ka 1919 se ne sa gola go nna tlhora ya baboledi ba Bogosi ba le 3 229 022 ka 1986! Go tweng ka bodihedi jwa nako e e tletseng? Fa go bapisiwa le barekisi ba dibuka (babulatsela) ba ba tlhagafetseng ba le 150 ka dikgakologo tsa 1919, ngwaga e e fetileng e ile ya nna le palo-gare ya ba ba fetang 391 000 ya baboledi ba babulatsela ba ba tlhagafetseng kgwedi le kgwedi—palo e kgolo go di feta tsotlhe mo ditiragalong tsa Basupi ba ga Jehofa ba motlha wa segompieno! Ka go arola mo go rereng mafoko a a molemo ka matlhagatlhaga, re supa go tshegetsa ka boikanyego tsela e Jehofa a ntseng a tswelela go phepafatsa batho ba gagwe ka yone.—1 Bakorintha 9:16.

Koketsego ya Lesedi

13. Dikai tsa ka moo Jehofa a ileng a sedimosa batho ba gagwe ka gone ke dife?

¹³ Sa boraro, phepafatso e ne ya nna gone jaaka batho ba Modimo ba ne ba lekwa mabapi le go amogelwa ga tshedimosetso ya semoya ya megopolo e mesha e e tswang mo Bibeleng. (Diane 4:18) Fa e sale ka 1919 go tla go fitlha gompieno go ile ga elela letlotlo la boammaaruri jo bo sa tswang go tlhaloganngwa.

1925: Go ne ga tlhaloganngwa sentle gore go na le diphuthego di le pedi tse di farologaneng ebile di emelane kgatlhanong—ya ga Jehofa le ya ga Satane.

1931: Leina je lesha Basupi ba ga Jehofa le ne la amogelwa.

1935: “Boidiidi yo bogolo” jwa Tshenolō 7:9-15 bo ne jwa lemogwa jaaka setlhopha se se nang le tsholofelo ya selefatshe

1941: Tshwanelo ya bolaodi jwa lobopo ya ga Jehofa e ne ya bontshiwa go nna kgang-kgolo e e tsositsweng he kgwetlho ya ga Satane.

1962: “Babusi ba bagolo” ba ga Baroma 13:1 ba ne ba tlhaloganngwa sentle jaaka mebuso ya bogoromente e e leng teng gompieno, eo Bakeresete ba tshwanetseng go e ikobela.

1986: Go ne ga tlhaloganngwa gore masalela mmogo le “boidiidi yo bogolo” ba tshwanetse go ja nama le go nwa madi a ga Jesu ka tshwantshetso ha go amogela setlhabelo sa gagwe e le gore ba tle ba nne tumalanong le ene.—Yohane 6:53-56.

Fa masome a dingwaga a ntse a feta, jaaka Jehofa a sedimosa batho ba gagwe, go ne ga phepafala gore go ne go tlhokega gore diphuthego di tlhokomedisiwe go boloka phuthego yotlhe e le phepa, e itlhaotse ebile e le eo e tlotlang boitshepo jwa madi.—1 Bakorintha 5:11-13; Yohane 17:14, 16; Ditihō 15:28, 29.

14. (a) Batho ba ga Jehofa ba ile ba arabela jang mo ditshedimosetsong tseo tsa megopolo e mesha? (b) Maikemisetso a gago wena ke eng mabapi le mosele wa ga Jehofa wa puisanyo?

¹⁴ Batho ba Modimo ba ile ba arabela jang mo tshedimosetsong e e ntseng jalo ya kgato ka kgato? Ka dinako tsotlhe, go ile ga nna le ba sekae bao ba neng ba seka ba amogela dipaakanyo dingwe. Bano ba ne ba olosiwa. (Mathaio 3:12) Mo letlhakoreng le lengwe, abo batlhanka ba ga Jehofa ba ba ikanyegang ba itumelela tshedimosetso eno ya semoya jang ne! Ka nako eo e La-bodumedi e apaapang mo lefifing la semoya, tsela ya batho ba ga Jehofa e nna e phatsimela pele. A re ka seke re ikaelele go ngaparela fela thata mosele wa puisanyo o Jehofa a o dirisang, re amogela ditshedimosetso tsa megopolo e mesha tsotlhe tseo jaaka “diyō ka dipaka tse e leñ eōna”?—Mathaio 24:45.

Go Latlha Ditlwaelo tse di Seng Phepa

15. Jehofa o ile a phepafatsa batho ba gagwe jang ka bonya mabapi le ditlwaelo tse di seng phepa kana tsa Sebabelona?

¹⁵ Sa bone, phepafatso e ile ya nna gone fa go ne go simololwa go patelediwa gore go latlhiwe ditlwaelo tse di seng phepa kana tsa Sebabelona. Mo dingwageng tsa bo-1920 batho ba Modimo ba ne ba emisa go keteka Keresemose le malatsi a mangwe a boikhutso a go neng ga bontshiwa fa a simologile e le a boheitane. Ka 1945 boemo jwa Bakeresete mo go tshelweng madi bo ne jwa tlhalosiwa. Mo dingwageng tsa bo-1960 le tsa bo-1970, jaaka boemo jwa lefatshe jwa boitshwaro bo tswelela-pele go senyega, Tora ya Tebelo e ne ya tswelela-pele go neela batho ba Modimo kgakololo e e tlhamaletseng mo dikgannyeng tse di jaaka boitshwaro jo bo siameng fa gare ga banna le basadi le botlhokwa jwa go tlogela motsoko le diokobatsi tse dingwe.

16. Dipaakanyo tse di mabapi le ditlwaelo tse di seng phepa di tshwanetse go lebiwa jang?

¹⁶ Legale, dipaakanyo tse di ntseng jalo tse di tshwanang le ditlwaelo tse di sa siamang gantsi di ile tsa nna jaaka teko ya boikanyegi mo bathong ba Modimo. Lefa go ntse jalo, bao ba neng ba dira dipaakanyo tse di tlhokafalang ba ne ba leba diphetogo tse di ntseng jalo jaaka thuso mo go apoleng diaparo tse di leswe. (Bakolosa 3:9, 10) Ba ne ba lemoga gore lemororo dingwao tse di neng di amana le malatsi mangwe a boikhutso di ne di ka lebega di se borai, ke pono ya ga Jehofa eo re tshwanetseng go amega ka yone; o bone pele kwa ditiro tseo tsa bodumedi tsa boheitane di simologileng teng. Mabapi le dipatlafalo tsa boitsholo tsa Modimo, ba ne ba di leba jaaka tshireletso e seng dikgoreletsi, ka gone ba ile ba segofadiwa ke Jehofa ka ntlha ya go nna phepa. Fa paakanyo e lebega e le thata go tlhaloganngwa, ba ne ba solofela gore Jehofa o ne a ‘re ruta go itemogelela.’—Isaia 48:17.

17, 18. (a) Re lekiwa jan motho ka mongwe ke Moitshekisi yo Mogolo? (b) Boikaelelo jwa rona e tshwanetse go nna eng jaaka re emetse letsatsi la ga Jehofa?

¹⁷ Ngwaga le ngwaga Jehofa o tswelelapele go itshekisa le go phepafatsa batho ba gagwe. Ka bongwefela jwa pelo, ba ile ba ikobela tiro ya go itshekisa mabapi le phuthego ya bone, tiro ya bone, thuto ya bone, le bophepa jwa boitsholo jwa bone. Mme go tweng ka rona motho ka bongwe.? Ka phuthego ya gagwe Jehofa o tswelela-pele go aba “diyō tse di loileñ” tsa kaelo e e itshekisang pelo. Maikutlo a rona a a lekwa le go tlhatlhobiwa. (Bahebera 4:12; 5:14) Ka go arabela mo tirong eno ya go itshekisa le ya go phepafatsa ya Moitshekisi yo Mogolo, re nna rele phepa jaaka re emetse “motlha o mogolo le o o boitshègañ oa ga Yehofa.”—Malaki 4:5.

¹⁸ A go lebogwe Jehofa, ‘Morena wa boammaaruri,’ le “moroñwa jwa gagwej oa kgōlaganō,” Jesu Keresete, ba ba re phepafatsang le go re golola mo lesweng mo nakong eno ya go lekwa le go feferwa. Ekete rotlhe re ka itlama go tswelela-pele re tsamaya mo ditseleng tse di phepa tsa ga Jehofa tsa kagiso kafa tlase ga “Kgōsana ea Kagishō,” Keresete Jesu, mme ka gone re boloka kamano ya rona e e itumedisang le Jehofa.—Isaia 9:6; Pesalema 72:7.

Jehofa o Itshekisitse Batho ba Gagwe Jang Mabapi le—

◻ Dipokanyo tsa phuthego?

◻ Go tlhakanela mo tirelong ya tshimo?

◻ Go amogela tshedimosetso ya megopolo e mesha?

◻ Go tlogela ditlwaelo tse di seng?

[Mafoko a a mo go tsebe 16]

Ka ntlha ya go phepafadiwa le go itshekisiwa, masala a a ikanyegang a ne a ‘fetoga mo go Jehofa batho bao ba isang tshupelo ya tshiamo’

[Mafoko a a mo go tsebe 19]

Jehofa o tswela pele go itshekisa batho ba gagwe ngwaga e nngwe le e nngwe

[Setshwantsho mo go tsebe 17]

Moitshekisi wa bogologolo o ne a okola leswe, kana menyelo. Ka mo go tshwanang Jehofa o letlelela go lekwa le go feferwa go itshekisa batho ba gagwe

[Setshwantsho mo go tsebe 18]

Ba sekae ba ile ba ‘feferiwa’ jaaka “mmoko,” mme batlhanka ba ga Jehofa ba ba ikanyegang ba amogela tshedimosetso ya semoya ya kgato ka kgato ka boitumelo

[Motswedi wa Tshedimosetso]

Pictorical Archive (Near Eastern History) Est.