Dipotso tse di Tswang go Babadi
◼ Ponong ya mafoko a ga Jesu go Yohane 15:15, a Bakeresete ba tshwanetse go itsaya jaaka “batlhanka” ba gagwe, kana a re ka itsaya jaaka “ditsala” tsa gagwe?
Re ka nna gotlhe ka bobedi ebile re tshwanetse. Go bona gore ke ka ntlhayang go ntse jalo, a re eleng tlhoko seo Jesu a neng a se bua le baaposetoloi ba gagwe ba ba ikanyegang koo mo bosigong jwa botelo le bone:
“Ga go opè eo o nañ le loratō lo lo hetañ lo, ha motho a ka beèla ditsala tsa gagwè botshelō yoa gagwè. Lona lo ditsala tsa me, ha lo diha dilō tse ke di lo laolèlañ. Ga ke tlhole ke lo bitsa batlhanka; gonne motlhanka ga a itse se morèna oa gagwè o se dihañ: me ke lo biditse ditsala; gonne dilō cotlhe tse ke di utlwileñ mo go Rrè, ke di lo itsisitse.”—Yohane 15:13-15.
Santlha, Jesu o ne a raya goreng ta a ne a re barutwa ba gagwe ba ba ikanyegang e ne e le batlhanka? O ne a sa reye batlhanka ka tlhaloganyo ya gore batho botlhe bao eleng ditlogolwana tsa ga Adame ba tsholwa ba sa itekanela, ka gone ba rekisitswe kana ba le mo botlhankeng jwa sebe. (Yohane 8:34; Baroma 5:18, 19; 6:16; 7:14) Fela jaaka Bakeresete ta esale ka nako eo, baaposetoloi ba ne ba kile ba ne ba le batlhanka ka tsela eo, mme setlhabelo sa ga Jesu se ne se tla naya tsela ya go ba rekolola, kana go ba golola. (1 Petere 1:18, 19; Bagalatia 4:5) Lefa go le jalo, ba ne ba seka ba gOlolesega gotlhelele ka nako eo. Fela jaaka moaposetoloi Paulo a ne a kwala moragonyana, ba ne ba “rekilwe ka tlhwatlhwa,” ebong madi a ga Jesu, jalo ba tetoga batlhanka ba Modimo le ba ga Keresete.—1 Bakorintha 6:20; 7:22, 23.
Mo go Yohane 15:15 Jesu o ne a sa kae gore baaposetoloi ba ba ikanyegang bao mo bogautshwaneng ba neng ba tla amogela moya o o boitshepo mme ba nne Bakeresete ba ba tloditsweng ba ne ba sa tlhole ba le batlhanka. (Bapisa Yohane 15:20.) Legale, go nna motlhanka wa Modimo ka Keresete ga se mo go gatelelang le mo go bolayang. Ke ga lorato mo ebileng go boloka botshelo. (2 Timotheo 4:8; Tito 1:1, 2) Mokeresete yoo ka boitumelo a amogelang boleng jwa madi a ga Keresete mme a tetoga motlhanka wa Modimo o tla swela ru ri ta moragonyana a ka gana setlhabelo seo mme a ineela gape mo sebeng, a tetoga motlhanka wa sone gape. (Bagalatia 1:10; 4:8, 9; Bahebera 6:4-6) Jalo he. barutwa ba ga Jesu ba ne ba tla tswelela e le batlhanka ba Modimo le ba ga Keresete. mme ba ne ba le se se tetang le eleng batlhanka. Ka ntlhayang?
Jesu le baaposetoloi ba ne ba tlhaloganya gore mo nakong eo ya bogologolo, mo kamanong e e neng e tlwaelesegile e e senang lorato kana ya mong le motlhanka ka tsela ya semolao. ‘motlhanka o ne a sa kake a itse se mong wa gagwe a se dirang.’ Ka tlwaelo, mong wa mot ho o ne a ka seka a gakololana le motlhanka wa gagwe yo a mo rekileng, le ta e le go mo senolela dikakanyo le maikutlo a gagwe.
Lefa go le jalo, re ka bona go tswa matokong aga Jesu. gore go ne go tarologane ka baaposetoloi. O ne a re: “Ke lo biditse ditsala; gonne dilō cotlhe tse ke di utlwileñ mo go Rrè, ke di lo itsisitse.” (Yohane 15:15) Ee, tela jaaka go tlwaelesegile gareng gaditsala tse di ratanang, Jesu o ne a ba senoletse dintlha le dikutlwisiso tseo e neng e ntse e le sephiri. (Mathaio 13:10-12; 1 Bakorintha 2:14-16) Leta ba ne ba santse ba le batlhanka, kana makgoba, a Modimo ka Jesu, baaposetoloi ba ne ba na le botsalano jo bo itumedisang joo bo ba tshwayang gape jaaka ditsala tse di ikanyegang. (Bapisa Pesalema 25:14.) Seo se ka nna ebile se tshwanetse go nna boammaaruri le ka rona. Abo e le tshiamelo jang ne go nna le Beng kwa legodimong bao Ba re tsayang re le bantshana-seinong nabo ba ba ikanyegang le ba ba tlotlegang, re le ditsala!