Pego ya Baboledi ba Bogosi

Lorato Io Utlwanya Malapa

KUTLWANO ya lelapa a ka fitlhelelwa fela fa lenyalo le thailwe mo loratong to to sa laolweng ke bogagapa. Lorato to to ntseng jalo to tswa kwa go Jehofa, Modimo wa lorato, jalo ke loungo lwa moya wa Modimo. (Bagalatia 5:22, 23; 1 Yohane 4:8) Maitemogelo a a latelang a bontsha ka moo lorato to to thaiIweng mo kitsong ya Bibela to kgonang go dira gore malapa a utlwane ka gone.

Hong Kong

▫ Mmulatsela mongwe kwa Hong Kong o ne a simolola thuto ya legae ya Bibela le mosadi mongwe yo o nyetsweng le bomorwadie ba babedi. Monna wa gagwe o ne a mmolelela gore o ka tswa a ikopanya le setlhopha se se sa siamang sa bodumedi. Mmulatsela o ne a akantsha gore mosadi yoo a laleletse monna wa gagwe go kopanela le ene mo thutong gore a tle a ‘ti, rele tshwetso ka boene eleng se a neng a se dira. Ka nako eo, mosadi wa gagwe o ne a simolola go ya kwa dipokanong, mme o ne a na le bothata jwa go katisa bana ba gagwe. O ne a aga a sotla yo mongwe mme a pepetletsa yo mongwe. Morago go ne ga utlwala gore ene le monna wa gagwe ba ne ba na le mathata. Dikgogakgogano tsa bone di ne di felela ka ntwa gantsi, mme ka dinako tse dintsi go ne go bidiwa mapodisi. Mmulatsela o ne a dirisa Lefoko le le maatla la Modimo go ba ruta go bontshana lorato lwa bomodimo mo lenyalong lwa bone. Go ise go a kae ba ne ba simolola go fetola ditsela tsa bone le mekgwa ya bone ya pele. Ba ne ba simolola go ya dipokanong ka metlha, mme go ne ga nna le boitumelo mo legaeng la bone. Monna o ne a tlogela go goga motsoko mme jaanong o tsaya karolo mo Sekolong sa Bodihedi sa Bolegodimo. Mosadi jaanong ke mmoledi yo o kolobeditsweng.

Kutlwano mo lelapeng a ne ya bonwa ka go bontshana lorato, leo eleng loungo lwa moya wa Modimo.

Boritane

▫ Maitemogelo mangwe a a tswang kwa Boritane a bontsha ka moo Jehofa a segofaditseng monna yoo a neng a bontsha lorato, bopelotelele, le boitshoko, fa a ne a dirisana le mosadi wa gagwe. Fa monna yono a ne a bona boammaaruri dingwaga tse 12 tse di fetileng, mosadi wa gagwe o ne a mo ganetsa thata a bo a mo tlhala. Lefa go ntse jalo, monna yono o ne a tswelela pele go mmontsha bopelonomi, a tlhomamisa gore o na le madi ka dinako tsotlhe, a mo direla ditironyana tse dingwe nako le nako. Go sa kgathalesege gore o ne a ganetsa, o ne a swetsa go mmolelela gape ka boammaaruri, morago ga dingwaga tse nne. Fa a ne a akantsha gore kgaitsadi mongwe a ithute le ene Bibela, o ne a dumela, eleng seo se ileng sa mo gakgamatsa. Kgabagare o ne a amogela boammaaruri mme a kolobediwa. Monna yono ga a ka a latlhegelwa ke lorato lwa gagwe mo go ene, mme fa a ne a itshupa gore le ene o ne a dirile boammaaruri jwa gagwe, o ne a mo kopa gore ba nyalane gape. O ne a itumela fela thata, ka go bo a ne a sa lebelela seno go tswa mo go ene ka ntlha ya boitshwaro jwa gagwe jo bo maswe jwa nako e e fetileng. Jaanong ba setse ba na le dingwaga tse di ka nnang robedi ba nyalane gape, mme ba tswelela sentle botlhe mo boammaaruring.

Pasifiki Borwa

▫ Go feta dingwaga di le 20 tse di fetileng, lekawana lengwe la kwa setlhaketlhakeng sa kwa Tuvalu kwa Pasifiki Borwa le ne la kwalela Mokgatlho wa Watch Tower a kopa dibuka dingwe. Go ne go sena Basupi bape mo setlhaketlhakeng seo ka nako eo. Lefa go le jalo, o ne a ipalela dibuka tseno ka boena mme a lemoga gore di boammaaruri. Lefa go le jalo, mosadi wa gagwe o ne a mo ganetsa ka bogale mo tumelong eno ya gagwe a ntsha, ka jalo o ne a e tlogela.

Bosheng jaana, fa dibuka di ne di simolola go nna gone ka Se-Tuvalu, mosadi yono o ne a nna le dingwe tsa dibuka tseno mme o ne a kgona go di ipalela ka boene. Jaanong o ne a lemoga boammaaruri jono mme o ne a ngongorega jaana mo monneng wa gagwe: “Dingwaga tseno tsotlhe o ntse o na le lesedi, mme o ntse o sa le tsholeletse kwa godimo. Ke eng fa bogolo o ne o sa ntlhalosetse lebaka la go bo o ne o dumela gore Basupi ke bone ba siameng?” Jaanong banyalani bano ba seoposengwe mo boammaaruring jwa Bibela, ba simolotse go kopanela le Basupi.

Fa bomorwadiabone ba babedi, bao ba neng ba tsena sekolo kwa Fiji, ba ne ba boela gae, batsadi ba ne ba ba itsise tshwetso eo ba e dirileng ya gore ba nne Basupi ba ga Jehofa. Ba ne ba rotloetsa basetsana bano gore ba kopanele le bone mo thutong ya Bibela, mme seo se neng sa ba gakgamatsa ke gore ba ne ba fitlhela gore basetsana bano ba setse ba ile ba nna gone kwa dipokanong kwa Fiji. Lelapa leno le ne la amogela boammaaruri mmogo ka boitumelo, mme rre, mme, le a le mongwe wa basetsana bano ke baboledi ba Bogosi.

Abo go itumedisa jang ne go bona ka moo boammaaruri jwa Bibela le lorato di dirang gore malapa a utlwane ka gone mo lefatsheng lotlhe.