Tiragalo E o Sa Tshwanelang go e Fosa

Mo bosigong jwa pele ga Jesu a swa, o ne a laela balatedi ba gagwe ba ba ikanyegang gore ba gopole setlhabelo sa gagwe. O ne a tlhoma se se neng sa bidiwa Sejo sa Morena sa Maitseboa fa a ne a dirisa senkgwe se se sa bedisiwang le beine e khibidu mo pele ga barutwa ba gagwe, mme o ne a ba laela jaana: “Nnang lo dire seno e le go nkgopola.”—Luke 22:19.

Ngwaga le ngwaga Basupi ba ga Jehofa mo lefatsheng ka bophara ba kopana gore ba gopole loso lwa ga Jesu ka letsatsi le a suleng ka lone. Ka 2014, Segopotso se tla nna ka Mantaga, Moranang 14, fa letsatsi le sena go phirima.

O lalediwa go nna gone mo pokanong eno, mo go tla tlotliwang mo go oketsegileng ka botlhokwa jwa loso lwa setlhabelo sa ga Jesu. Go tsenwa mahala. Ga go na dikoleke. Motho yo o go neileng makasine ono o tla go bolelela nako le lefelo le Segopotso se tla tshwarelwang kwa go lone mo lefelong la lona kgotsa o ka tsena mo atereseng ya internet ya jw.org/tn. Tsweetswee tshwaya tiragalo eno, e re solofelang gore ga o kitla o e fosa.