Segopotso se Tshwarwa Leng le Gone Kae?

Mo bosigong jwa pele Jesu a swa, o ne a laela barutwa ba gagwe gore ba gopole setlhabelo se a neng a tla se ntsha. O ne a ba raya a re: “Nnang lo dire seno e le go nkgopola.”—Luke 22:19.

Monongwaga, Segopotso sa loso lwa ga Jesu se tla tshwarwa ka Labotlhano, Moranang 3, fa letsatsi le sena go phirima. Basupi ba ga Jehofa ba laletsa wena le lelapa la gago go tla go reetsa puo e e tla bong e tlhalosa gore ke eng fa loso lwa ga Jesu lo le botlhokwa le gore lo ka lo solegela molemo jang.