DIKARABO TSA DIPOTSO TSA BAEBELE
A madumedi otlhe a direla Modimo?
Gongwe fa o reetsa dikgang tsa lefatshe, o lemogile gore batho ba dirisa bodumedi go dira dilo tse di bosula. Ga se madumedi otlhe a a itumedisang Modimo wa boammaaruri. (Mathaio 7:15) Gone ke boammaaruri gore batho ba le bantsi ba tsieditswe.—Bala 1 Johane 5:19.
Le fa go ntse jalo, Modimo o kgona go bona batho ba ba peloephepa ba ba ratang boammaaruri le se se siameng. (Johane 4:23) Modimo o naya batho bao tshono ya go ithuta boammaaruri jo bo mo Lefokong la gagwe, Baebele.—Bala 1 Timotheo 2:3-5.
O ka lemoga jang bodumedi jwa boammaaruri?
Jehofa Modimo o kopanya batho ba ba tswang mo madumeding a a farologaneng ka go ba ruta boammaaruri le go ba ruta go ratana. (Mika 4:2, 3) Ka jalo, o ka lemoga batho ba ba mo bodumeding jwa boammaaruri ka tsela e ba tlhokomelanang ka yone.—Bala Johane 13:35.
Jehofa Modimo o kopanya batho botlhe ka kobamelo ya boammaaruri.—Pesalema 133:1
Tsela e baobamedi ba boammaaruri ba tshelang ka yone le se ba se dumelang se theilwe mo Baebeleng. (2 Timotheo 3:16) Gape ba tlotlomatsa leina la Modimo. (Pesalema 83:18) Ba buelela Bogosi jwa Modimo e le jone fela tsholofelo ya batho. (Daniele 2:44) Ba etsa Jesu ka go dira gore ‘lesedi la bone le phatsime,’ ba direla baagelani ba bone dilo tse di molemo. (Mathaio 5:16) Ka jalo, Bakeresete ba boammaaruri ba ka lemogiwa ka go etela batho kwa magaeng a bone gore ba ba rerele dikgang tse di molemo tsa Bogosi jwa Modimo.—Bala Mathaio 24:14; Ditiro 5:42; 20:20.