Baebele ya Reng ka Kgang Eno?
A Modimo o araba dithapelo tsotlhe?
A O KA RE O ARABA DITHAPELO TSA . . .
Batho botlhe
Batho bangwe
Ga a arabe ope
SE BAEBELE E SE BUANG
“Jehofa o gaufi le botlhe . . . ba ba mmitsang ka boammaaruri.”—Pesalema 145:18.
SE GAPE RE SE ITHUTANG MO BAEBELENG
Modimo ga a reetse dithapelo tsa batho ba ba sa mo ikobeleng. (Isaia 1:15) Mme gone, batho bano ba ka ‘tlhamalatsa dilo’ le ene ka go fetola ditsela tsa bone.—Isaia 1:18.
Modimo o araba dithapelo tse di dumalanang le thato ya gagwe.—1 Johane 5:14.
A re tlhoka go ema ka tsela nngwe e e kgethegileng fa re rapela?
BATHO BANGWE BA DUMELA GORE ba tshwanetse go khubama, go oba ditlhogo kgotsa go kopanya diatla fa ba rapela. Wena o akanya eng?
SE BAEBELE E SE BUANG
Modimo o ile a araba dithapelo tsa batho ba ba neng ba rapela ba ‘ntse fa fatshe,’ ‘ba eme,’ ba “namaletse” kgotsa ba ‘obile mangole.’ (1 Ditiragalo 17:16; 2 Ditiragalo 30:27; Esera 10:1; Ditiro 9:40) Ga a lebelela gore re mo rapele re eme ka tsela nngwe e e kgethegileng.
SE GAPE RE SE ITHUTANG MO BAEBELENG
Modimo o reetsa dithapelo tsa batho ba ba ikokobeditseng.—Pesalema 138:6.
O kgona go rapela ka puo nngwe le nngwe kgotsa mo pelong.—2 Ditiragalo 6:32, 33; Nehemia 2:1-6.