Dikgang Tsa Bolegodimo

Ethiopia: Puso ya Ethiopia jaanong e dumeletse Basupi ba ga Jehofa semolao jaaka mokgatlho o o kwadisitsweng kafa molaong. Bakaulengwe ba itumelela go bo ba dumeletswe semolao mme ba gatela pele ka tiro ya Bogosi. Go amogelwa dibuka ebile go tshwarwa dikopano.

Ghana: Tiro ya rona jaanong ga e tlhole e emisitswe mo nageng eno. Seno se ile sa itumedisa bakaulengwe ba rona fela thata, ereka jaanong Diholo tsa bone tsa Bogosi di butswe gape ebile ba filwe le tetla ya go ikwadisa gape semolao kafa tlase ga molao wa jaanong.

Liberia: Lekala la kwa Liberia jaanong le butswe gape morago ga go tswalwa ka dikgwedi tse dintsi ka ntlha ya ntwa ya semorafe. Barongwa ba bane ba boetse kwa lekaleng go ya go dira teng, mme bakaulengwe ba itumelela go kopana gape ba gololesegile.