Dikgang Tsa Puso ya Modimo

◼ Dinaga tsa Afrika Bophirima tsa Benin, Cameroon, Côte d’Ivoire, Ghana, Liberia le Nigeria tsotlhe fela di ile tsa nna le tlhora e ntšha ya baboledi ka February.

◼ Batshabi ba le bantsi ba ntse ba boela kwa Liberia mme batho ba le bantsi ba nyoretswe boammaaruri kwa nageng eno. Tlhora ya bone e ntšha ya baboledi ba le 2286 ka February e ile ya bega dithuto tsa Baebele di le 6277.

◼ Mono Afrika Borwa, Dikomiti Tsa Kago Tsa Kgaolo di lepalepana le thulaganyo ya tsone ya kago ya Diholo Tsa Bogosi. Ka ntlha ya seno, diholo tse di latelang di ile tsa kgakolwa ka April: Bronkhorstspruit (Gauteng), le Eerstehoek, Maotole, Somerset le Tjakastad (Mpumalanga). Seno se dira gore palogotlhe ya diholo tse di kgakotsweng mo ngwageng ono wa tirelo e nne 19. Gone jaanong Dikomiti Tsa Kago Tsa Kgaolo di tshwaragane le go dira dipolane le go aga diholo di le 30. Re anaanela thata tiro e ntle e e dirwang ke dikomiti tseno le badiri ba baithaopi go tswa dikarolong tsotlhe tsa naga ya rona.

◼ Setlhaketlhake sa Madagascar se ile sa fitlhelela tlhora e ntšha ya baboledi ba le 9484 e e neng e le koketsego ya diperesente di le 14 go feta palogare ya ngwaga o o fetileng. Gape ba ile ba bega dithuto tsa magae tsa Baebele di le 20 000 ka February.