Lebokoso la Dipotso

◼ Ke bomang ba ba tshwanetseng go newa dibetšhe tsa kopano ya kgaolo?

Dibetšhe tsa kopano di ka thusa thata go tlhaola bakaulengwe ba rona le go phasalatsa kopano. Le fa go ntse jalo, ga di a tshwanelwa go newa mongwe le mongwe fela. Di bontsha gore motho yo o e tsentseng o na le seemo se sentle le phuthego nngwe ya Basupi ba ga Jehofa.

Betšhe eno e na le mola o motho a kwalang leina la gagwe le leina la phuthego mo go one. Ka jalo, motho o tshwanetse a bo a na le nakonyana a kopanela le phuthego e a e kwadileng foo. Mmoledi mongwe le mongwe yo o kolobeditsweng le yo o sa kolobediwang o tshwanetse go nna le betšhe. Gape bana mmogo le batho ba bangwe ba ba nnang gone ka metlha mo dipokanong tsa phuthego mme ba gatela pele go nna le seabe mo bodireding jwa tshimo le bone ba ka nna ba e newa. Motho yo o kgaotsweng ga a a tshwanela go newa betšhe ya kopano.

Bagolwane ba tshwanetse go tlhomamisa gore dikaelo tseno di a latelwa ka nako ya fa go abiwa dibetšhe tseno.