A o Dirisa Dikarata Tsa go Ikgolaganya le Rona Tsa JW.ORG?

Tiro ya rona ya go rera e a potlaka fa pitlagano e e kgolo e ntse e atamela. (Dia 24:11, 12, 20) Gore re kgone go thusa batho, re ka dirisa dikarata tsa go ikgolaganya le rona go itsise batho ka Lefoko la Modimo le ka website ya rona. Karata eno e na le khouto e e go isang kwa bidiong ya Ke Eng fa o Tshwanetse go Ithuta Baebele? le tshedimosetso e e thusang motho go itse mo go oketsegileng kgotsa go kopa thuto ya Baebele. Batho bangwe ga ba batle go tsaya dikgatiso tsa rona mme ga ba na bothata le go tsena mo jw.org, ka jalo ba neye karata eno. Le fa go ntse jalo, o se ka wa naya batho ba ba sa bontsheng kgatlhego dikarata tseno.

O ka ngoka kgatlhego ya mongwe ka nako nngwe le nngwe fela ka go mo raya o re: “Ke na le sengwe se nka ratang go go se naya. Karata eno e go isa kwa website e e nang le tshedimosetso ya mahala le dibidio tse di buang ka dilo tse di farologaneng.” (Joh 4:7) E re ka dikarata tseno di le dinnye, o ka tsamaya ka tsone ka metlha gore o kgone go di naya batho ba o kopanang le bone.