Bidio ya The Bible—Accurate History, Reliable Prophecy
Ke bosupi bofe jo bo bontshang gore Baebele e nepile mo dilong tsa hisitori? Ke boporofeti bofe jwa Baebele jo bo diragaditsweng jo bo re tlhomamisetsang gore boporofeti jo bo buang ka isagwe le jone bo tla diragadiwa? Dipotso tseno di sekasekiwa mo bidiong ya The Bible—Accurate History, Reliable Prophecy, e leng karolo ya boraro mo DVD ya The Bible—A Book of Fact and Prophecy. Fa o sena go lebelela bidio eno, a o ka kgona go araba dipotso tse di latelang?
(1) Ke mang yo e leng Motswedi wa tshedimosetso e e ka ikanngwang e e mo Baebeleng? (Dan. 2:28) (2) Baebele e tlhalosa jang Egepeto wa bogologolo ka nepo mme boporofeti jo bo mo go Isaia 19:3, 4 bo ile jwa diragadiwa jang? (3) Thutamarope e ile ya bontsha jang gore se Baebele e se tlhalosang ka Baasiria, dikgosi tsa bone le go senngwa ga Asiria se boammaaruri? (Nah. 3:1, 7, 13) (4) Ke boporofeti bofe jo bo buang ka Babelona jo bo ileng jwa itshupa bo le boammaaruri? (Jer. 20:4; 50:38; 51:30) (5) Ke boporofeti bofe jo bo malebana le Bameda le Baperesia jo bo ileng jwa diragadiwa? (Isa. 44:28) (6) Daniele 7:6 le 8:5, 8 e ile ya diragadiwa jang malebana le Gerika? (7) Daniele 7:7 e ile ya diragadiwa jang fa Roma e ne e nna mmusomogolo wa lefatshe? (8) Ke Bokaesara bafe ba ba umakiwang mo Baebeleng? (9) Go ne ga diragala eng ka Bakeresete ka nako ya puso ya ga Nero? (10) Boporofeti jo bo mo go Tshenolo 13:11 le 17:10 bo ile jwa diragadiwa jang? (11) Kgosi ya borobedi ke mang? (12) Ke ditiragalo dife mo bidiong eno tse di bontshang gore Moreri 8:9 e boammaaruri? (13) Ke boporofeti bofe jo bo malebana le isagwe jo o lebeletseng pele ka tlhoafalo go bo bona bo diragadiwa? (14) O ka dirisa bidio eno jang go tlhatswa batho ba bangwe pelo gore Baebele ke buka e e tswang kwa Modimong?