“Ga ke Ise Ke ko Ke mo Fitlhele Gape!”

A o kile wa bua jalo ka mongwe yo o bontshitseng kgatlhego? Tota le fa o lekile go boela kwa go ene ka makgetlo a le mmalwa, ga o kgone go nosetsa peo ya boammaaruri e o e jetseng. (1 Bakor. 3:6) Ka dinako dingwe baboledi ba ba nang le maitemogelo ba kwalela motho yo ba sa mo fitlhelang lekwalo kgotsa ba mo tlogelela molaetsa mo kgorong. Baboledi bangwe ba ba akanyetsang kgwetlho ya go sa fitlhele batho gape, ba kopa dinomoro tsa mogala gongwe ba botsa jaana, “A o tle o romele melaetsa?” Re ka bega loeto lwa go boela fa re etetse motho kgotsa re rera ka lekwalo, ka e-mail, ka molaetsa wa founo, ka molaetsa o re o tlogetseng mo kgorong kgotsa ka go mo leletsa. Le fa a fitlhelwa ka sewelo kwa gae, re ka kgona go dira gore a nne a kgatlhega.