Dikai Tsa Dipuisano

Letsholo la Taletso ya Segopotso

“Re naya batho taletso eno go ba laletsa go tla tiragalong e e botlhokwa thata. Ka Moranang 3, batho ba le dimilione mo lefatsheng lotlhe ba tla gopola loso lwa ga Jesu Keresete e bile ba tla reetsa puo e e theilweng mo Baebeleng e e tlhalosang kafa lo re solegelang molemo ka gone. Pampitshana eno ya taletso e bontsha nako le lefelo le pokano eno e tla tshwarelwang kwa go lone.”

Tora ya Tebelo Mopitlwe 1

“Loso lwa ga Jesu Keresete lo tla gopolwa ka Moranang 3. Batho bangwe mo lefelong la rona ba tla kopana ka letlha leno go gopola tiragalo eno mme ba bangwe bone ba akanya gore loso lwa ga Jesu ga lo botlhokwa go le kalo. Wena o akanyang? A o akanya gore loso le tsogo ya ga Jesu di ka re solegela molemo? [Mo letle gore a arabe.] Bona gore Lefoko la Modimo la reng mo ntlheng eno. [Bala 1 Bakorintha 15:22, 26.] Makasine ono o tlhalosa gore mo nako e e tlang, setlhabelo sa ga Jesu se tla thusa batho gore ba tshelele ruri mo lefatsheng.”

Tsogang! Mopitlwe

“Re etela baagelani ba rona go ba bontsha makasine wa kgwedi eno wa Tsogang! [Mmontshe makasine.] Batho ba araba potso eno ya go re, ‘A Modimo o Teng?’ ka ditsela tse di farologaneng. O akanya gore ke bomang ba ba nang le tsholofelo ka isagwe—a ke batho ba ba dumelang mo Modimong kgotsa ba ba sa dumeleng mo go ene? [Mo letle gore a arabe.] Bona se Modimo a se solofetsang se se ka nayang batho ba bantsi tsholofelo. [Bala Pesalema 37:10, 11.] Makasine ono o tlhalosa mabaka a manè a a re bontshang gore Modimo o teng.”