Dirisa Maatla a Lefoko la Modimo mo Bodireding Jwa Gago

Fa motho a re letla go mmolelela dikgang tse di molemo, re dirisa tshono eo ka botlhale e bile re dirisa maatla a Lefoko la Modimo ka go bala ditemana ka tlhamalalo go tswa mo Baebeleng. Re ne ra kgothalediwa go dira jalo kwa kopanong e e kgethegileng ya letsatsi le le lengwe ya ngwaga o o fetileng. Molebedi wa potologo o ne a neela puo ya setlhogo se se reng “Dirisa Maatla a Lefoko la Modimo mo Bodireding Jwa Gago.” A o gopola dintlha tsa konokono?

• Goreng lefoko la ga Jehofa le le maatla go gaisa la rona?—2 Tim. 3:16, 17.

• Baebele e tlhotlheletsa maikutlo jang, e bopa tsela e motho a akanyang ka yone jang, e tokafatsa se a se dirang le tsela e a itshwarang ka yone jang?—Bona Tora ya Tebelo ya June 15, 2012, ts. 27, ser. 7.

• Fa re le mo bodireding mme re balela motho temana, re ka dira jang gore motho yoo a tlotle Lefoko la Modimo?—Bona buka ya Sekolo sa Bodiredi, ts. 148, ser. 3-4 le Tirelo ya Rona ya Bogosi ya March 2013, ts. 6, ser. 8.

• Goreng go le botlhokwa gore re tlhalose le go tlotla ka temana e re e balang, mme re ka dira seo jang?—Dit. 17:2, 3; bona buka ya Sekolo sa Bodiredi, ts. 154, ser. 4 go ya go ts. 156, ser. 5.