MATLOTLO A A MO LEFOKONG LA MODIMO | DITIRO 1-3
Moya o o Boitshepo o Tshololelwa mo Phuthegong ya Bokeresete
Bajuda ba le bantsi ba ba neng ba le teng kwa Jerusalema ka Pentekosete wa ngwaga wa 33, ba ne ba goletse kwa dinageng tse dingwe. (Dit 2:9-11) Le fa gone ba ne ba ikobela Molao wa ga Moshe, ba ka tswa ba ne ba goletse kwa dinageng di dingwe. (Jer 44:1) Ka jalo, le fa e ne e le Bajuda, ba ka tswa ba ne ba bua e bile ba lebega jaaka batho ba kwa dinageng tse ba tswang kwa go tsone. Fa Bajuda ba le 3 000 ba sena kolobediwa, phuthego ya Bokeresete e ne ya simolola go nna le batho ba ba buang dipuo tse dingwe. Le fa ba ne ba farologane, “ba ne ba le mo tempeleng ka metlha ba le seoposengwe.”—Dit 2:46.
O ka bontsha jang gore ga o kgetholole . . .
batho ba tshimo ya lona ba ba tswang kwa dinageng tse dingwe?
bakaulengwe le bokgaitsadi ba phuthego ya lona ba ba tswang kwa dinageng tse dingwe?