Basha Nnang lo ‘Tlhoafaletse Ditiro Tse di Molemo’

Fa moaposetoloi Paulo a ne a kwalela Tito, o ne a re Tito le makawana a mangwe ba tshwanetse go dira ka natla gore e nne “[dikao tsa] ditiro tse di molemo.” (Tit 2:6, 7) Gape o ile a re Jesu o tla ntlafatsa batho ba ga Jehofa gore ba “[tlhoafalele] ditiro tse di molemo.” (Tit 2:14) Nngwe ya ditiro tseo ke go rerela batho le go ba ruta ka Bogosi Jwa Modimo. Fa o le mosha, o ka kgona go nna mmulatsela yo o thusang kgotsa wa ka metlha ka gonne o sa ntse o na le maatla. (Dia 20:29) O ka dira seo jang?

Fa o batla go nna mmulatsela, ithulaganye mme o bone gore o ka dira seo jang. (Luk 14:28-30) Ka sekai, le go bona gore o ka dira eng gore o itlamele fa o le mmulatsela, le gore o tla fitlhelela diura tsa bobulatsela jang, mme o kope Jehofa gore a go thuse. (Pes 37:5) Bolelela batsadi ba gago le babulatsela ba bangwe ka se o batlang go se dira. Go tswa foo, dira dilo tse di tla go thusang gore o nne mmulatsela. Jehofa o tla segofatsa matsapa a o a tsayang.

LEBA BIDIO YA BASHA BA BA DIRELANG JEHOFA, LO BO LO TLOTLA KA DIPOTSO TSE DI LATELANG:

• Basha bangwe ba ba neng ba batla go nna babulatsela ba ile ba nna le dikgwetlho dife, mme ke eng se se ba thusitseng gore ba atlege?

• Batsadi ba ka thusa bana ba bone jang gore e nne babulatsela ba ka metlha?

• Goreng go le botlhokwa go nna le thulaganyo ya go ya bodireding?

• Bakeresete ba bangwe mo phuthegong ba ka kgothatsa le go thusa babulatsela jang?

• Jehofa o segofatsa jang babulatsela?