O Rata Lefoko la Modimo go le Kanakang?

Baebele e na le dikakanyo le mafoko a Mokwadi wa yone e bong Jehofa Modimo. (2Pe 1:20, 21) Baebele e dira gore batho ba nne le tsholofelo ya gore go ise go ye kae botshelo bo tla nna botoka, mme e dira jalo ka go tlotlomatsa bolaodi jwa ga Jehofa. Gape Baebele e tlhalosa gore Rraarona yo o kwa legodimong e bong Jehofa, o lorato.—Pes 86:15.

Re na le mabaka a a farologaneng a a dirang gore re rate Lefoko la Modimo. Fa e le gore o rata Lefoko la Modimo, a o le bala letsatsi le letsatsi le go dirisa se o ithutang sone mo botshelong jwa gago? Ditiro tsa rona di tshwanetse go tshwana le tsela e mopesalema a neng a ikutlwa ka yone fa a ne a re: “A bo ke rata molao wa gago jang ne!”—Pes 119:97.

LEBANG BIDIO YA, BA NE BA ANAANELA BAEBELE—BIDIO E E KHUTSHAFADITSWENG (WILLIAM TYNDALE), LO BO LO TLOTLA KA DIPOTSO TSE DI LATELANG:

• 

  Goreng William Tyndale a ile a ranola dikarolo dingwe tsa Baebele?

• Goreng matsapa a gagwe a go ranola Baebele a kgatlha?

• Dikhopi tsa Baebele ya ga Tyndale di ile tsa fetela jang kwa Engelane mo sephiring?

• Re ka bontsha jang gore re rata Lefoko la Modimo?