Jehofa o Sireletsa Batho ba Gagwe

Tlolaganyo ya ntlha e ne e le tiragalo ya botlhokwa. Mo bosigong joo, fa Faro a sena go lemoga gore ngwana wa gagwe wa leitibolo o ne a sule, o ne a raya Moshe a re: “Nanogang, tswang mo gare ga batho ba me, lona le bomorwa Iseraele ba bangwe, mme lo tsamaye lo ye go direla Jehofa, fela jaaka lo boletse.” (Ek 12:31) Jehofa o ile a bontsha gore o sireletsa batho ba gagwe.

Fa re leba hisitori ya batho ba ga Jehofa gompieno, go a bonala gore Jehofa o sa ntse a ba kaela le gore o a ba sireletsa. Seno se tlhalositswe mo musiamong o o kwa ntlokgolo o o bidiwang “Batho ba ba Bidiwang ka Leina la ga Jehofa.”

LEBANG BIDIO YA GO ETELA DIMUSIAMO TSA KWA WARWICK: “BATHO BA BA BIDIWANG KA LEINA LA GA JEHOFA” LO BO LO ARABA DIPOTSO TSE DI LATELANG:

• 

  Go simologa ka 1914, Baithuti ba Baebele ba ne ba dirisa sedirisiwa sefe go thusa batho gore ba dumele se Baebele e se buang, mme se ile sa atlega jang?

• 

  Ke mathata afe a baithuti ba Baebele ba ileng ba nna le one ka 1916 go ya go 1918, mme ke eng se se neng se bontsha gore Jehofa o ne a kaela phuthego ya gagwe?

• 

  Batho ba ga Jehofa ba ne ba tswelela ba ikanyega mo go ene jang le fa batho ba bangwe ba ne ba ba bogisa?

• 

  Ke eng se batho ba ga Jehofa ba ileng ba simolola go se tlhaloganya sentle ka 1935, mme seo se ile sa dira gore ba ikutlwe jang?

• Morago ga go leba bidio eno, ke eng se o se boneng se se dirang gore o dumele gore Jehofa ke ene a kaelang batho ba gagwe le go ba sireletsa?